Niu Testeman

Ol Aktiviti blong Kam Folem Mi

A brother and sister play with sticks and dead grass while playing outside.

Blong Matiu 1; Luk 1

Eksplenem se Niu Testeman i tokbaot Jisas. Yumi bin lanem nem blong Hem insaed long fas japta nomo (luk long Matiu1:21). !Raetem toktok ia Jisas Kraes long wan pis blong pepa mo givim ol samting blong art long pikinini blong yu blong i flasem pepa ia!!

Long Matiu 2; Luk 2

Soem wan pikja blong pat blong Sot Stori blong taem we Jisas bin bon, pikja ia bae i mas gat Jisas, Meri mo Josef long hem. Eksplanem se Jisas, Hem i bin stap olsem wan pikinini tu, long wan taem. Talem long olgeta se Papa mo Mama blong Hem i lavem Hem tumas—olsem we yu lavem olgeta. Haggem ol smosmol wan blong yu i kam kolosap long yu, mo talem wanem yu laekem abaot olgeta.

Blong Jon 1

Tekem ol pikinini blong yu oli go wokbaot aotsaed. Lukluk long ol naesfala samting blong neja—olsem ol tri, ol pijin, win o skae. Askem ol pikinini blong yu oli pikimap ol ston o smelem ol flaoa. Talem long olgeta, “Jisas i lavem yu mo i bin krietem naesfala wol ia blong yu.”

Long Matiu 3; Mak 1; Luk 3

Singsing “When Jesus Christ Was Baptized” (Children’s Songbook,,102). Eksplenem se Jisas i bin kasem baptaes blong obei long Papa long Heven. !Wan dei, ol pikinini oli save jusum blong oli save kasem baptaes tu! Talem long ol pikinini blong yu abaot taem we yu bin baptaes. ?From wanem i bin spesel tumas long yu?