Lako mai, Mo muri au iTaviqaravi baleti Ira na Lalai

A brother and sister play with sticks and dead grass while playing outside.

Baleta na Maciu 1; Luke 1

Vakamacalataka ni Veiyalayalati Vou e baleti Jisu. Eda vulica na Yacana ena imatai ni wase (raica na Maciu 1:21). Vola na vosa Jisu Karisito ena dua na tiki ni pepa ka solia na iyaya ni cakacakaniliga vei luvemu me ukutaka na pepa!

Baleta na Maciu 2; Luke 2

Vakaraitaka e dua na iyaloyalo ni gauna ni sucu i Jisu, Meri, kei Josefa. Vakamacalataka ni a gone talega o Jisu. Tukuna vei ira ni rau lomani Koya sara vakalevu na Nona itubutubu—me vaka ga nomu lomani ira. Mokoti ira na nomu lalai ka tukuna vei ira na veika o taleitaka me baleti ira.

Baleta na Joni 1

Kauti ira na nomuni lalai me ra taubale e tautuba. Raica na veika veivakurabuitaki ena veika bula—me vaka na vunikau, manumanu vuka, cagi, se lomalagi. Mera tomika cake na luvemu na vatu se boica na senikau. Tukuna vei ira, “E lomani iko o Jisu ka bulia na vuravura totoka oqo me baleti iko.”

Baleta na Maciu 3; Marika 1; Luke 3

Lagata “When Jesus Christ Was Baptized” (Children’s Songbook,, 102). Vakamacalataka ni a papitaiso o Jisu me talairawarawa vua na Tamada Vakalomalagi. Ena dua na siga, e rawa talega ni ra digitaka na nomuni lalai me ra papitaiso! Tukuna vei ira na luvemu me baleta na nomu papitaiso. Na cava e rui bibi kina vei iko?