Vakabula mai Igiladi!

Vulica me baleti ira na luvena na Tamada Vakalomalagi e vuravura taucoko.

O Igiladi e dua na matanitu ena ra kei Iurope. E tiki ni Matanitu Cokovata. E sivia ni 50 na milioni na tamata era tiko e kea.

Painia taumada

Era a lako mai na imatai ni daukaulotu ki Igiladi ena 1837. E vuqa na tamata era a papitaiso ka ra qai gole yani ki Amerika. Ena gauna oqo sa voleka ni 150,000 na lewe ni Lotu e Igiladi!

Na Vosa Vakavalagi

Na dauvolaivola o William Shakespeare a lako mai Igiladi. A bulia e drau na vosa Vakavalagi. Nikua, e voleka ni 1.5 na bilioni na tamata era vosa Vakavalagi.

Dua Na iTikotiko Vakatui

E drau vakadrau na vale vakatui e Igiladi. A tara na Kasela o Winisa ena ika 11 ni senijiuri ka sa kasela qase duadua era se tawana tiko na tamata.

Lako Wavokiti Lodoni

O Lodoni e Igiladi, na koroturaga kei Peritania ka dua na siti levu duadua e Iurope. E levu sara kina na basi damudamu babalavu me vukei ira na tamata me ra lako wavoki.

Rua na Valetabu Totoka

E tiko na valetabu e Igiladi e Preston vakakina mai Lodoni.

Toso vata ga!

O ira na tamata mai Gloucester, Igiladi, e dua na ivalavala lasa ni nodra bula. Ena veiyabaki, era dau vaqiqica sobu e dua na qiqi caka ena jisi mai na dua na delana ka ra qai cemuria. Na imatai ni tamata me yaco ki ra ena rawata na jisi.

E rawa ni o cakava ga na nomu veitau cici. Vaqiqica sobu e rua na polo ena dua na delana. Na polo cava e yaco i liu ki ra? Tovolea mo wilika na sekodi e taura me yaco kina.

Tudei Tiko

Na jisi e caka mai na sucu, ka levu na kena kalisiumi. O na gadreva na kalisiumi me kaukauwa kina na batimu kei na sui! E rawa talega ni o rawata na kalisiumi mai na kakana draunikau, tofu, kakana sorenikau, bini, kei na kakana tale eso.

Kakana Draudrau kei na keke Yaloka

1. Ulia vata e 4 na yaloka .

2. Wakia vata eso na kakana draudrau sa musu oti (me vaka na spinach, peppers, kei na broccoli). 

3. Vakawaiwaitaka e dua na tere ni mafini ka sova kina eso na yaloka sa veiwaki tu ki na bilo yadua.

4. Vakamiraka eso na jisi yaca ena dela ni mafini yadua.

5. Vavia ena 350 °F (175°C) me 10–15 na miniti.

Vakavinavinaka vei Lucia, Vivie, kei Zac ena wasei ni icakacaka ni kakana oqo!

E rawa ni o sotavi iratou ena tabana e 14.

Droini mai vei Raquel Martín