iTokani ki na iTokani
Veivuke ena Cakacaka nei Tamada Vakalomalagi
Mai na dua na veivakatarogi kei Richard M. Romney.
O kila beka ni o sa sureti mo vukea na Tamada Vakalomalagi ena Nona cakacaka bibi? Na cakacaka o ya me vukei ira kece na Luvena mera lesu tale mai ka laki bula vata kei Koya (raica na Mosese 1:39). E rawa ni o veivuke ni o cakava e va na ka: bula, veikauwaitaki, veisureti, ka veivakaduavatayaki.
Bulataka na kosipeli i Jisu Karisito. O bulataka na kosipeli ni o muria na ivakaraitaki i Jisu. E rawa ni o masu, wilika na ivolanikalou se ivola ni talanoa ni volanikalou, vosoti ira na tani, ka lako ki lotu.
Kauwaitaki ira era vakaleqai tu. E rawa ni o dabe tikiva e dua e galili voli. Se o rawa ni qirita e dua na itokani e tauvimate ka vakamarautaki koya.
Sureti ira na tani me ra ciqoma na kosipeli. E rawa ni o sureti ira na itokani ki lotu se dua na itaviqaravi ni Lalai. Sa rawa mo sureti ira na itokani ki na nomu papitaiso.
Vakaduavatataka na matavuvale ki na tawamudu. E rawa ni o vosa vei rau na tubumu mo vulica na nodrau bula. Mo dautataro ena nomu vuvale. E rawa ni o vakarautaki iko mo lako ki na valetabu.
Au yalataka ni ko na vakila na reki ni o tovolea mo bula, veikauwaitaki, veisureti, ka duavata e vale, e koronivuli, kei na Lalai. E lomani iko na Tamada Vakalomalagi. Ka rawa ni o veivuke ena Nona cakacaka bibi.
iVakaraitaki mai vei Augusto Zambonato