Gone kei na iTabagone

Kunea na Noqu Taledi

Mai vei Fruean P., yabaki 9, Ilocos Norte, Filipaini

Niu sa tekivu tuvanaka na takete me baleti ira na Gonelalai kei na iTabagone, keirau a veivosakitaka kei tinaqu na taledi vovou au via vulica. Au vinakata meu vakatovotovotaka na lagasere, danisi, kei na taba piano. Au vinakata talega meu vulica na veika e baleta na manumanu, kau vinakata meu vulica na vakasaqa. Au vinakata meu wilika na iVola i Momani.

A vakavulica vei au o tinaqu e vuqa na ka me baleta na vakatorocaketaki ni noqu taledi. E a dredre taumada. Ia au a vakatovotovo ka vakatovotovo. Ia oqo au sa rawa ni vakatagitaka “Au Luve ni Kalou,” “Do, Re, Mi,, Mi,” kei na “Mary Had a Little Lamb” ena piano. Au a vulica na ivakarau ni vakasaqa raisi kei na bani vakasoseti kei na vavi kuki. Au a wilika eso na ivola baleta na manumanu. Au sa qai kila oqo na yacadra e vuqa na manumanu vuka, me vaka na buntings, creepers ni oni, kei na manumanu veivakalialiai. Kau sa rawa ni vakacavara na noqu wilika na iVola i Momani ni bera niu yabaki ciwa. Totoka ni rawa niu vakaotia na ivola taucoko ena rua na yabaki.

Au nuitaka ni so tale na gone ena Lalai era na vulica vakalevu cake na veika baleti Jisu Karisito kei na taledi e tu vei ira.

Au taleitaka talega na manumanu yavaiva! E rawa beka niu tuva e dua na takete meu vulica eso tale na ka me baleti ira.

Na cava o vinakata mo vulica?

Droini mai vei Kylah Garcia