“Nakomai, Iriirai Waaki ni Kakukurei ibukiia ake a Uarereke Riki,” Rao, Maati 2023, 49.
Te Nu Tetemanti
Nakomai, Iriirai Waaki ni Kakukurei
Ibukin Mataio 8; Mareko 2–4; Ruka 7
Baikara bwaai aika a maku iai ami ataei aika a uarereke? Karaua maroroakina taekan teuana mai ibuakon te bwai are a makua. Ngkanne buokiia n taekina, “Ngkana I maaku, e kona Iesu ni buokai n namakina te rau.”
Ibukin Mataio 9–10; Mareko 5; Ruka 9
Karekei bwaai ni moan kamaiu ao kabwarabwaraa bwa a na kanga ni kabonganaki ni kamarurungiira. Ngkanne kabwarabwaraa ae mwaakan Iesu Kristo ni kamaiu e bon rang korakora riki. Kabwarabwara teuana te kakai are ni Mataio 9.
Ibukin Mataio 11–12; Ruka 11
Karinanii bongin nako te wiiki ibukiia ake a uarerekie. Taekina aran te bong teuan ni kabaibati, ma karaurau ngkana ko atonga “Tabati.” Kabwarabwara bwa te Tabati bon te bong ae okoro ae ko na iangoa iai Iesu Kristo.
Ibukin Mataio 13; Ruka 8; 13
Kabwarabwaraa bwa rimoa ngkoa, aomata aika a kakaonimaki a nakon Iesu bwa a na ongora Ana karaki (taraa Mataio 13). Tuangiia bwa a na korea tamnein te aomata ae e ongoraa iroun Iesu.
Ibukin Mataio 14; Mareko 6; Ioane 5–6
Katauraoa te matamtam ae kamarurung ibukiia ake a uarereke. Taekina te kakai iaon mwakoro ni kariki ao ika (taraa Mataio 14:15–21). Buokiia bwa a na kangai, “Iesu e ataa te bwai ae I kainanoia ao E kona ni buokai.”