Mauri mai Kiribati!

Reiakina rongorongoia natin Tamara are i Karawa ni kabuta te aonaaba.

Kiribati bon te aba ae uarereke ni Marawan te Betebeke. E kania 120,000 te aomata aika a maeka ikekei.

33 Abamwakorona

Te aba ma aroka aika nii

Kamataata n te tamnei iroun Robyn Brimley

Aban nako Kiribati aika a uarereke a maenako iaon 1.4 te mirion tikuea maire (3.5 mirion te km²) n te marawa ae bubura! Te tabo are e mena iai iaon maben te aonaaba e riki bwa te moan tabo are e nora te moan oota ni katoa bong.

Biike aika a Tamaroa

Te aonaaba ae e kaota otiraken taai

Kiribati e onrake n te bike ae mainanina tanona ao aroka aika nii. E kabuebue aona ni katoa ririki.

Banna ni Katooto aika Tamaroa

Te utu ma kaaro, ataei, ao tibuia te unimwaane ao te unaine

E kaniia 20 te katebubua aomata iaona ae kaain te Ekaretia. Bon banna ni katooto ngaiia aika a tamaroa nakoia aomata ake a maeka n aba akanne.

Te Nako n Akawa!

Te teinimwaane e taua te ika ao te karaun

Ibukina ngkai a otabwaniniaki n te marawa, aomata i Kiribati a kang angiin amwarake aika mai taari. Te ben, te raiti, ao te baukin a rangi n okioki.

Iaon Kawaina te Tembora

Te korobana n tamnein te Kiribati Tembora

N Okitobwa 2020, Beretitenti Russell M. Nelson e katanoataa bwa e na kateaki te tembora i Kiribati! Aio aron taraan te kateitei anne.

Waaki ni Kakukurei

Te Mwaie n Aron Tein te Man

Te tia mwaie mai Kiribati

Te mwaie bon mwakoron maiuia kaain Kiribati ae kakawaki. Aia mwaie a karekeaki man tarakin manin abaia, ae te itei. Taan mwaie a taakin bwaia n aron bain te mannikiba ngkana a mwaing.

Tera te man ae mamaten nanom? Iangoia bwa e kangaa ni mwaing. Ngkanne karaoa te mwaie ae e reke man te man anne. Kaoia raoraom bwa a na raoniko!

Aron te kuuka

Te Tuubu ni Baukin ae Raniben

Te boora ae te tuubu ni baukin ae raniben

1. Kabaroa teutana te oera inanon te baata. Kabwaka 1 te anian ae korekoreaki ao kukanna teutana ni karokoa e a moana ni buraaun te anian.

2. Kabwaka 2 te mwangko te baukin are e koreaki ni kauarerekeaki, 2 te mwangko te raniben, ao 4 te mwangko ranin tubun te moa. Kabobooa raoi.

3. Ngkana e a buroburo te tuubu, kauarerekea urana ao kukanna inanon 20 te miniti.

4. Ngkana ko tangiria, kabwaka teutana te taoro, te beba, te ginger, ke tabeua riki rengarenga.

Kakoauaa bwa e reke buokam iroun ae e ikawai!

Waaki aika kamarurung

Tai Tei ma Kakamwakuri

Te waaki ni kamarurung e kamarurunga te buro, matireti, ao riim. Ko kona ni karaoi bwaai aika a kaunga ni katoa bong ni kamwainga rabwatam ao ni karika buroom bwa e na bam, n aron te mwaie, takakaro, ke bwabwatika—are ko bon tangiria!