“Iesu Kristo e Katoka te Angibuaka,” Rao, Maati 2023, 46–47.
Karaki man Booki Aika a Tabu
Iesu Kristo e Katoka te Angibuaka
Kamatata n te korotamnei iroun Apryl Stott
N te tairiki teuana Iesu Kristo ao Ana reirei a rinanon te nama n te booti. E a kua Iesu ao e a matu.
E roko te angibuaka. A moanna n rietata taian nao! A maaku ana reirei. A kauta Iesu ao a butiia bwa E na kamaiuia.
E teirake Iesu ao n taku, “Raoi, bwaaka.” E toki te ang. E raoi te nama.
Au onimaki iroun Iesu Kristo e kona n anganai te rau. Ngkana I maaku, e kona ni buokai Iesu n namakina te rau.