“Au Bong ni Bwabetito,” Rao, Maati. 2023, 12–13.
Koreaki Iroum
Au Bong ni Bwabetito
Mauri! Arau bon Megan, ao I maeka i Mekitiko. I tangiria ni kaongoko aron te bong ae moan te onoti inanon maiu—te bong ngke I bwabetitoaki.
I bwabetitoaki n tain au ka waniua ni koronririki. Bon te bong ae kakawaki ibukina bwa I bukamarua au koronririni ni bwabetitoaki iai.
Ngkana ko bwabetitoaki bon te taneiai ae tamaroa. Tinau e karaoa au boki ae uarereke ma waaki ni kakukurei aika a na katauraoaki. E buokai n reiakina aron kakawakin te bwabetito ao te berita ae tabu are N a karaoia ma Tamara are i Karawa.
A mwaiti aomata ake a tangirai ae a roko n au bwabetito. I namakina te kukurei ngkai a roko. I bwaina te kunikai ae mainaina, ao e abue te ran.
Imwiin bwabetitoakiu iroun tamau, I kamauai ao n onea kunikaiu. Imwiina I karekea ana bwai n tituaraoi te Tamnei ae Raoiroi. I kamatoaaki bwa kaain Ana Ekaretia Iesu Kristo ibukiia Aika Itiaki ni Boong aika Kaitira irouia naake a taua te nakoanibonga. I namakina te rau ae korakora, te tangira, ao te kimwareirei.
N na teimatoa n ururinga te bong anne. Bon te bong ae kakawaki ibukina bwa I karaoa au moan berita ae tabu ma te Atua. I berita bwa N na iriira Iesu ao ni kawakin Ana tua.
Ngkana e nako nanom ibukina bwa e na kanga aron am bong ni bwabetito, tai raraoma. Tamara are i Karawa E na rangi ni kukurei n aron am rinerine are ko karaoia!
Kamataata n te tamnei iroun Olga Lee