2023
Itok, Ļoor Eō M̧akūtkūt ko
Juļae 2023

“Itok, Ļoor Eō M̧akūtkūt ko,” Jera, Juļae 2023, 6–7.

Itok, Ļoor Eō M̧akūtkūt ko

N̄an nokon in jota ak ekkatak jeje ko rekwojarjar—ak baj n̄an kam̧ōņōņō.

Ļoor Ritōl eo

Alt text

Kōmeļeļe ko jān Katy Dockrill

N̄an Jerbal 1–5

Bwebwenato: Ālkin an Jisōs kar mej, Piter ekar kūr bwe en ritōl eo an Kabun̄ eo an Irooj. Kwomaron̄ riiti bwebwenato in ilo peij 46 ak ilo Jerbal 2–3.

Al: “Stand for the Right” (Children’s Songbook, 159)

M̧akūtkūt: Kāālet juon armej bwe en juon ritōl. Kōm̧m̧an bwe ritōl eo en kōm̧m̧ane juon kōl (āinwōt ekāke ioon juon ne ak ero̧o̧lol). Ro jet ren anōk er. N̄e ritōl eo ej ukōt kōl eo, ro jet rej anōke kōl eo ekāāl. Bōk koņaam āinwōt juon ritōl m̧ae iien eo kajjojo armej ekar bōk koņaan.

Bar Karreo

Alt text

N̄an Jerbal 6–9

Bwebwenato: Juon em̧m̧aan kar etan Saul ekar kajjieon̄ in kakkure Kabun̄ eo an Jisōs Kraist. Innām ekar ukweļo̧k im ukōt mour eo an. Ekar erom juon mijenede im kar katakin armej ro kōn Jisōs Kraist. Kar jeļā kajjien āinwōt Paul. (Lale Jerbal 9:1–20.)

Al: “I Know My Father Lives” (Children’s Songbook, 5)

M̧akūtkūt: Likūt jet bwidej ilo peiūm̧. Ekōjkan an kōm̧m̧an an en̄jake n̄e pā ko peiūm̧ rej etoon? Eo tok juon, kwaļ peiūm kōn joob im dān. Kwaļ peid ej āinwōt ukweļo̧k. Kōnke kōn Jisōs, jemaron̄ ukweļo̧k im erom erreo bar juon alen ālkin ad jerawiwi.

Idajon̄jon̄ in Mijenede

Alt text

N̄an Jerbal 10–15

Bwebwenato: Barnabas im Paul raar mijenede ro (lale Jerbal 13:2–4). Raar katakin armej ro kōn Rilo̧mo̧o̧r eo. Mijenede ro rainin rej katakin armej kōn E barāinwōt.

Al: “Tell Me the Stories of Jesus” (Children’s Songbook, 57)

M̧akūtkūt: Kāālet juon idajon̄jon̄ jān peij 38–39 n̄an kōm̧m̧ane ippān doon, āinwōt jerbal n̄an juon rūturum̧. Ekōjkan am̧ maron̄ erom juon mijenede kiiō?

Juon Pijaiūm̧

Alt text

N̄an Jerbal 16–21

Bwebwenato: Rijilōk Paul ekar katakin bwe jej aolep ajri ro nejin Anij (lale Jerbal 17:28–29). Jemedwōj Ilan̄ ej iakwe aolep ajri ro Nejin. E ekar letok n̄an kajjojo iaad menin letok ko rooktak jān doon im tōļan ko.

Al: “N̄a Nejin Anij” (Al ko Al in Ajri, 44)

M̧akūtkūt: Jin̄aik juon pijaiūm̧ make. Ilo tulōn̄, je “N̄a Nejin Anij.” Ipeļaakin pija eo, je ak jin̄aik men ko kwoj kōņaan kōm̧m̧ani. Ekōjkan am̧ maron̄ kōjerbal tōļan ko am̧ n̄an jipan̄ ro jet?