“Benjamin ej Kōnono kōn Menmenbwij an Baam̧le,” Jera, Juļae 2023, 36–37.
Benjamin ej Kōnono kōn Menmenbwij an Baam̧le
Benjamin ej jān Buenos Aires, Argentina. Kōm kar kajjitōk ippān jet kajjitōk ko kōn menmenbwij an baam̧le.
Ekōjkan am̧ kar jino kōm̧m̧ane menmenbwij an baam̧le
Ikar jino kōm̧m̧ane menmenbwij an baam̧le ippān baba. Kōm kar kōm̧m̧ane ippān doon aolep Jabōt. Baba ekar jipan̄ eō ekkatak kilen kōjerbal FamilySearch. Ikar aikuj in kar kaminene im kaminene. Kiiō ij kōm̧m̧an menmenbwij an baam̧le ippān baba ak ippān eo rilūkū Jasmina.
Ta eo kwoj kōņaan tata kōn menmenbwij an baam̧le?
Ikōņaan kappukōt armej kāāl ro n̄an kobaiktok n̄an menmenbwij eo aō. M̧oktata, Ij kappukōt ļook ko rem̧oor. Innām ij pukōt etan ro jibū im jim̧m̧aō. Ij lo raan im allōn̄ im iiō in ļotak ko aer im ijo raar ļotak ie. Ij lo bar jikin ko jet raar mour ie barāinwōt.
Ta eo em̧ōj am̧ kar ekkatak kōn ro jibūm̧ im jim̧m̧am̧?
Ikar ekkatak bwe ewōr ro jibū im jim̧m̧aō jān Italy im Germany. Juon iaan ro jibū im jim̧m̧aō jān Italy ekar etan wōt etan ļeo jatū. Etan ļaddik eo jatū in “Santiago,” eo ej “Giacomo” ilo kajin Italy. Ikar barāinwōt ekkatak bwe etan jim̧m̧am̧ (last name) eo ekōn oktak jipeeļe.
Ekōjkan am̧ jipan̄ armej ro jet kōm̧m̧an menmenbwij an baam̧le?
Ij jipan̄ būbū kōjerbal FamilySearch. Ikar katak e kile kobaiktok ememļo̧kjeņ ko. Ikar barāinwōt jipan̄ liin kobaiktok armej ro rejako n̄an menmenbwij an baam̧le eo an. Jet iaan ro nukun ekar kanooj lōn̄ etāer! Ekar bōk juon iien aitok n̄an likūt er aolep lowaan. Bōtaab ikar lukkuun m̧ōņōņō bwe imaron̄ jipan̄ e ekkatak kōn kōjerbal FamilySearch, ejja wōt an baba ekar jipan̄ eō.
Ta eo būroojāāk ko tok jet an menmenbwij an baam̧le kwoj kōņaan kōm̧m̧an?
Ikōņaan kōm̧mani pija in alooj ko n̄an ro m̧ōtta im baam̧le eo aō n̄an jipan̄ er ekkatak kilen kōjerbal FamilySearch. Ke ikar jinoe, ikar aikuj in ekkatak eļap. Ikōņaan katakin armej ro jet bwe ren maron̄ kōm̧m̧ane ejja menin wōt.
Pija ko jān Laura Zarrin