“Ekar Ijjino ioon juon Meļaaj in Iakiu,” Jera, Juļae 2023, 32.
Jera n̄an Jera
Ekar Ijjino ioon juon Meļaaj in Iakiu
Jān juon iien intōrpiu ippān Lucy Stevenson Ewell.
Kōmeļeļe ko jān Brian Michael Weaver
Ke ikar 13, ikar ikkure ilo juon juon kumi in iakiu ippān jet m̧ōtta. Ikar jab juon membōr in Kabun̄ eo an Jisōs Kraist im Armej ro Rekwojarjar ilo Raan-ko Āliktata, ak ruo iaan rikkure ro m̧ōtta raar. Erro kar bo. Etāer raar Rob im Lane.
Juon raan ilo kaminene raar kajjitōk ippa n̄an itok n̄an nokon in jota ippān baam̧le eo aer. Ikar jab jeļā ta eo kar nokon in jota, kōn menin ikar kajjitōk kake. Raar jiron̄ eō kōm naaj kar ekkatak kōn men ko an kabun̄ in im al al ko. Ikar jab kanooj in lo̧udin̄din̄ kake. Bōtaab raar kallim̧ur enaaj kar wōr kōm̧aolaļ, kōn menin ikar kāālet n̄an etal.
Baam̧le eo aō raar etal n̄an m̧weo im̧wer n̄an nokon in jota. Ikar en̄jake juon men elukkuun in oktak. Ikar jab jeļā ta eo kar, bōtaab ikar āinwōt jeļā. Ekar en̄jake em̧m̧an. M̧am̧a ekar barāinwōt en̄jake.
Ikar jab jeļā iien eo bwe m̧am̧a ekar juon membōr in Kabun̄ in. Liin ekar peptaij ke ekar juon jiron̄. Bōtaab liin ekar jeja an etal n̄an jar.
Ālkin bon̄ōn jab eo, m̧am̧a ekar jino bar etal n̄an jar. Ikar etal ippān n̄an ekkatak eļapļo̧k. Jejjo allōn̄ tokālik, ikar peptaij jān jemen Rob im Lane.
Ij lukkuun kam̧m̧oolol bwe Rob im Lane ekar bwe aer kea kōn n̄a im kwaļo̧k gospel eo. Rainin ij jeraam̧m̧an n̄an wōr juon aō baam̧le indeeo. Im ekar ijjino ilo juon meļaaj in iakiu.
Āinwōt Rob im Lane, ewōr ippam̧ juon kilaan ekajoor ioon ro jet. Kwomaron̄ kōm̧m̧ane juon oktak ilo baam̧le eo am̧. Kwomaron̄ kwaļo̧k gospel eo ippān ro m̧ōttam̧.