Ro Jera Jitōnbōro Reddik,

Kōmij kōjatdikdikȩ kom̧ naaj lem̧ōņōņō kōn bok in ejenolo̧k an eo Jera. Ej kōn peptaij im kapen.

Eļan̄n̄e kwoj kab peptaij, kōmij karuwaineneiktok kom̧ āinwōt juon membōr kāāl an Kabun̄ eo an Jisōs Kraist im Armej ro Rekwojarjar ilo Raan Ko Āliktata!

N̄e kwoj peptaij, kwoj ļoor waanjon̄ak eo an ad Rilo̧mo̧o̧r, Jsōs Kraist. Kwoj kallim̧ur n̄an keememej Rilo̧mo̧o̧r eo im kōjparok kien ko An. Kallim̧ur kein rej ņa etaer bujen ko. N̄e kwoj kapen, kwoj bōk menin letok eo an Jetōb Kwojarjar. Jetōb Kwojarjar eo emaron̄ kaenōm̧m̧an, tōl, im im̧we eok ilo aolepān am̧ mour.

Eļan̄n̄e emōj am̧ kar peptaij, kōmij kōketak eok n̄an keememej bujen eo kwar kōm̧m̧ane ilo peptaij im kajjieon̄ ļoor Jisōs aolep raan.

Eļan̄n̄e kwojjan̄in de peptaij, kōmij kōjatdikdik kwonaaj kōppopo kōn ekkatak eļapļo̧k kōn bun̄tōn in aorōk.

Kōmij lukkuun nebar kom̧ kajjojo. Kōm jeļā bwe Jemedwōj Ilan̄ ej mije kom̧. E elukkuun ļap an iakwe eok, im kōm barāinwōt.

Būreejtōnji eo Kein Kajuon