“M̧arm̧ar eo Erabōlbōl,” Jera, O̧kwōj 2023, 42–43.
M̧arm̧ar eo Erabōlbōl
Carolina ekar kōņaan dāpij wōt m̧arm̧ar eo bar jidik iien aitokļo̧k.
Bwebwenato in ekar bōk jikin ilo Argentina.
Caroline ekar kōmetataik an etetal ilo yard eo. Eo m̧ōttan Isabella ekar pād nam̧ōj.
Isabella ekar jeaļļo̧k “Itok im ikkure!”
Carolina ekar kijoon meļan eo n̄an m̧ōn Isabella.
Isabella ekar ettoļļo̧k n̄an bōjo̧ eo an. “Ikōņaan kwaļo̧k n̄an eok juon men,” liin ekar ba. Innām ej kwaļo̧ktok m̧arm̧ar eo ekanooj aiboojoj tata Caroline ejjan̄in kar loe! Men jiddik ko ilo m̧arm̧ar eo raar kanooj in erabōlbōl im romaak.
“Ej m̧ōran m̧am̧a,” Isabella ekar ba. “Liin ekar ba enaaj kar ikkure kake rainin. Lale m̧ōk an pād ilo det.”
Isabella ekar kotak m̧arm̧ar eo lōn̄ļo̧k n̄an meram eo. Buki iia ko raar rabōlļo̧k jān men ko ilo m̧arm̧ar eo. Ekar kanooj in aiboojoj.
“Kiiō jen ikkure em̧ooj!” Isabella ekar ba
“EM̧M̧AN,” Carolina ekar ba. “Imaron̄ jipan̄ kōjparok ilo ejjeļo̧k jorrāān m̧arm̧ar eo.”
“Kom̧m̧ool!” Isabelle ekar leļo̧k m̧arm̧ar eo n̄an Carolina, im Carolina ekar likūt ilo bōjo̧ eo an.
Ejjab to ekar iien n̄an an Carolina etal n̄an m̧weo. Ke liin ej ba bar iakwe, Isabella ekar jab kajjitōk kōn m̧arm̧ar eo. Liin aikuj in kar meļo̧kļo̧k. Im Carolina ekar jab kakeememej e.
Carolina ekar en̄jake nana jidik an mour kōn bōk m̧arm̧ar eo n̄an m̧weo. Bōtaab liin ekar kōņaan bar dāpiji bar jidik. Liin ekar kowaan en̄jake nana eo im likūt m̧arm̧ar eo ium̧win pet eo pitōn.
Raan eo tok juon ekar Jabōt. Carolina ekar kōm̧m̧ani jerbal ko an im diwōj nam̧ōjļo̧k n̄an ikkure. Liin ekar meļo̧kļo̧k kōn m̧arm̧ar eo.
“Carolina!” Papá ekar ikkūr. “Kwomaron̄ ke itok n̄an ije?”
Carolina ekar ettōr nam̧ōjļo̧k. “Aaet?”
Papá ekar jibwe m̧arm̧ar eo ilo pein. “Mamá ekar loe ium̧win pet eņ pitōm̧. An wōn e?”
“An Isabella.” Kōmejaaļaļ ekar lutōkļo̧k ilo mejān Carolina. “Ikar kōjparoke ilo bōjo̧ e aō ke kōmro kar ikkure inne. Bōttab ikar kāālet n̄an bōktok n̄an m̧win.
Mamá ekar jijet ippān Carolina ioon kauj eo. “Kom̧m̧ool kōn am̧ kwaļo̧k m̧ool. Ta eo kwoj ļōmņak kwoj aikuj kōm̧m̧ane kiiō?”
Carolina ekar ikōn̄. Liin ekar ļōmņak kōn Jisōs. E enaaj kar kōņaan bwe en m̧ool im kōro̧o̧lļo̧k m̧arm̧ar eo.
“Ij aikuj kōro̧o̧lļo̧k n̄an Isabella im jiron̄ e joļo̧k bōd,” Carolina ekar ba. Ilo iien eo wōt ekar ba men eo, en̄jake enana ekar jako. Liin ekar en̄jake okmeņeņ itulowa.
Carolina ekar ilo̧k n̄an m̧ōn Isabella.
“Iakwe,” Carolina ekar ba. Liin ekar leļo̧k n̄an Isabella m̧arm̧ar eo. “Joļo̧k bōd ikar bōk menin. Kwonaaj ke joļo̧k aō bōd?”
“Aaet,” Isabella ekar ba. “Kom̧m̧ool kōn am̧ kōro̧o̧ltok.” Innām ekar ettōn̄ dikdik. “Kōņaan ke bar ikkure em̧ooj?”
“Aaet! Kwon bōnbōn m̧okta—Inaaj em̧ooj!”
Bon̄ōn eo, Carolina ekar ba juon jar. “Jemedwōj Ilan̄ eo Ejitōn Bōro, jouj im jeorļo̧k aō bōd kōn aō kar bōk m̧arm̧ar eo. Im Kom̧m̧ool kōn jipan̄ eō kajim̧we.”
Carolina ekar bar juon alen en̄jake okmeņeņ. Liin ekar m̧ōņōņō ekar maron̄ kōm̧m̧ane ta eo Jisōs enaaj kar kōņaan bwe en kōm̧m̧ane.
Kōmeļeļe ko jān Sue Teodoro