Elmen Ad Jar?

Jar ej wāween eo jej kōnono ippān Jemedwōj Ilan̄. Aolep iien E ej kōņaan ron̄ jān kwe, im aolep iien E ej ron̄jake. E ej uwaaki jar ko am̧ ilo elōn̄ wāween ko. E emaron̄ lewaj n̄an eok juon im̧we, ak en̄jake, jān Jetōb Kwojarjar eo. Ak E emaron̄ im̧we bar juon armej n̄an jipan̄ eok.

Elmen Jar

• Kiil mejam̧, badikdik, im nukuj peiūm̧.

• Ijjino kōn ba, “Jemedwōj Ilan̄ eo Ejitōn Bōro.”

• Kōnono n̄an Jemedwōj Ilan̄ kōn kautiej im jeļā ņae.

• Kam̧ōje kōn ba, “Ilo etan Jisōs Kraist, amen.”

• Kwomaron̄ jar kōļap ainikiōm̧ ak ilo ļōmņak eo am̧, ilo jabdewōt iien.

Erkein jet iaan men ko kwomaron̄ jar kaki:

• Kam̧m̧oolol Jemedwōj Ilan̄ kōn men ko kwoj kam̧m̧oolol kaki.

• Kajjitōk Ippān kōn men ko reppen ak em̧m̧an me raar waļo̧k ilo raan eo am̧.

• Kajjitōk Ippān kōn jipan̄ n̄e kwoj mijak ak kwojjab jeļā ta eo n̄an kōm̧m̧ane.

• Kajjitōk Ippān n̄an kōjeraam̧m̧an bar juon armej eo ej aikuj jipan̄.

Ij kam̧m̧oolol Eok