“M̧akūtkūt eo an Bwebwenato an Baam̧le,” Jera, O̧kwōj 2023, 30–31.
M̧akūtkūt eo an Bwebwenato an Baam̧le
“Kwomaron̄ ke jiron̄ eō bar juon bwebwenato an baam̧le?” Lorrain ekar kajitōk.
Bwebwenato in ekar bōk jikin ilo Vanuatu.
Lorrain ekar ettōn̄ dikdik ke ekar al naan ko āliktata in al eo. Ejkab dedeļo̧k aer kōm̧m̧an iien al eo ilo Būraimere. Kiiō ekar iien n̄an etal n̄an kūlaaj.
Bōtaab m̧oktata, Sister Taleo ekar jutak. “Ikōņaan ba n̄an kom̧ kōn juon m̧akūtkūt an Būraimere me ejjab to enaaj kōm̧m̧an,” liin ekar ba. “Kōm kōņaan bwe kom̧ kajjojo en ekaktak kōn baam̧le eo ami. Kajjitōk ippān jinemi im jemāmi kōn bwebwenato ko an baam̧le. Innām ilo m̧akūtkūt eo, kajjojo iaami emaron̄ kwaļo̧k ta eo kom̧ kar ekkatak.
Ke Lorrain ekar tōparļo̧k m̧weo jān jar, liin ekar lem̧ōņōņō. Liin ekar lo juon m̧ōttan peba kileplep im kar bōke n̄an tebōļ eo. Liin ekar jab maron̄ kōttar n̄an katak kōn baam̧le eo an!
Lorrain ekar jin̄aik juon wōjke an baam̧le ioon peba eo. Jinem im jemen raar jipan̄ e jipeeļe aolep āt ko. Innām liin ekar kōddepi pija ko an ro uwaan baam̧le eo an ioon peba kileplep eo.
“Etan jibūm̧-jibūm̧ ekar Lorrain barāinwōt,” M̧am̧a ekar ba. “Kōm kar etōņake eok ālkin etan.”
“Wow,” Lorrain ekar ba.
“Būbū Lorrain ekar lukkuun juon armej eo elukkuun in em̧m̧an.” M̧am̧a ekar ettōn̄ dikdik. “Ke armej ro jet ilo bukōn̄ eo ekar maat aer kane n̄an kijeek ko aer, Būbū Lorrain ekōn leļo̧k aer.”
Ekkatak kōn baam̧le eo an ekar limo! “Kwomaron̄ ke jiron̄ eō bar juon bwebwenato an baam̧le?” Lorrain ekar kajitōk.
“Baba emaron̄ ba n̄an eok kōn iien eo jinoin tata ekar etal jan tampeļ?” M̧am̧a ekar ba. “Ekar jiljino wōt iiō dettan. E im ro jinen im jemen raar bōk juon tūreep aitok n̄an tampeļ eo ilo New Zealand.”
Lorrain ekar em̧m̧an ippān ron̄jake kōn tampeļ. “Jiron̄ eō bwebwenato eo, Baba,” liin ekar ba.
“Ilo jinoin kōm kar iuweļo̧k ilo juon baļuun n̄an keļo̧k n̄an New Zealand. Innām kar iuweļo̧k ilo juon baj. Ekar juon iaļ eo aitok.” Baba ekar kwaļo̧k n̄an Lorrain juon pija in tampeļ. “Āliktata ro jinō im jema im n̄a kar deļo̧n̄. Kōm kar liāp āinwōt juon baam̧le. Ej meļeļe in kōm maron̄ ippān doon n̄an indeeo!”
Ekar kōm̧m̧an bwe Lorrain en en̄jake okmeeņeņ itulowa. Liin ekar m̧ōņōņō emaron̄ kar ron̄jake bwebwenato ko kōn baam̧le ao an.
Āliktata jibbon̄ōn raan in m̧akūtkūt eo an Būraimere ekar itok. Lorrain ekar jipan̄ jinen im leddik eo jatin Taleo kōpooj aolep men ilo m̧ōn jar eo.
Innām raar ron̄ jet ennaan ko rōkaitoktok limo. Juon tampeļ enaaj kar ekkal ilo āneo āneer!
Lorrain ekar lukkuun m̧ōņōņō. N̄e enaaj bwe an rūtto n̄an delo̧n̄e tampeļ eo, liin ejjab aikuj in etal ettoļo̧k n̄an jidik!
Ejim̧we, aolepān ro m̧ōttan Lorrain raar pād ilo m̧akūtkūt eo an Būraimere. Ajri ro raar kajjojo doon kwaļo̧k ta eo raar ekkatak kōn baam̧le eo aer. Ke ekar iien eo an Lorrain, liin ekar kotak peba kileplep an kōn wōjke eo an baam̧l eo an.
“Elukkuun em̧m̧an ippa ekkatak kōn baam̧le eo aō,” liin ekar ba. “Ikar ekkatak bwe ij etōņake etan jibū-jibū. Ikar barāinwōt ekkatak kōn iien eo m̧oktata baam̧le eo aō ekar etal n̄an tampeļ. Tampeļ eo emaron̄ jipan̄ baam̧le ko ad pād ippān doon̄ n̄an indeeo.” En̄jake okmeeņeņe eo ekar bar jepļaaktok. “Ij kanooj lo̧udin̄din̄ bwe enaaj wōr juon adwōj tampeļ ijin ilo Vanuatu.”
Lorrain ekar jijetļo̧k kōn juon ettōn̄ dikdik kileplep ilo mejān. Liin ekar kam̧m̧oolol bwe emaron̄ rūttoļo̧k n̄an āinwōt Jisōs. Im liin ekar kam̧m̧oolol kōn tampeļ eo. Liin ejjab maron̄ kōttar n̄an an deļo̧n̄e juon raan.
Kōmeļeļe ko jān Emily Davis