Ļoor Jisōs Ippān Doon

Ikar kāālet n̄an etetal ilo juon iaļ in bujen im ļoor Jisōs Kraist ke ikar peptaij. Peptaij eo aō ekar ļam waan bōtaab ikar en̄jake elōn̄ en̄jake ko, im kar en̄jake kāāl. Ikōņaan jerbale juon mijen edipio.

Happiness D., 9 iiō dettan, Accra, Ghana

Ij kajjieon̄ ļoor Jisōs jān ke ikar peptaij ilo aō jouj n̄an leddik eo jatū. Ij jipan̄ ilo aō idibwilli ilo waan bwilbwil eo waan. Ij en̄jake m̧ōņōņō n̄e ij jouj, im ijeļā ej kōm̧m̧an an Jisōs m̧ōņōņō barāinwōt.

Simon P., 9 iiō dettan, Massachusetts, USA

Ij ļoor Jisōs kōn jar, iakwe ro jet, im tōmak.

Yoreli T., 6 iiō dettan, Zumpango, Mexico

Ilo Raan in Kūrijm̧ōj jema im n̄a kar būkilo̧k m̧ōn̄ā ko n̄an armej ro me ejjeļo̧k im̧weer. Ekar kalimomo! Ļoor Jisōs ej kōm̧m̧an aō en̄jake m̧ōņōņō.

Akari F., iiō dettan, Chiba, Japan

Ij ļoor Jisōs kōn riiti jeje ko rekwojarjar aō im ļoor kien ko An.

Luke W., 9 iiō dettan, Wyoming, USA

Ij ļoor Jisōs kōn iakwe baam̧le eo aō im erom juon rijippan̄ edik n̄an m̧am̧a.

Chloe D., 4 iiō dettan, National Capital Region, Philippines

Jabdewōt iien ij jar, riiti jeje ko rekwojarjar, ak kōm̧m̧ane juon men em̧m̧an, ij en̄jake m̧ōņōņō. Ej āinwōt juon atbakwoj kileplep jān juon eo ij iakwe. Ijeļā ej Jetōb Kwojarjar eo.

Caileen D., 6 iiō dettan, National Capital Region, Philippines

Ij en̄jake Jetōb Kwojarjar n̄e ij dibuk iien ko reppen. Ej jipan̄ kōkōm̧anm̧anļo̧k aō en̄jake.

Hunter O., 11 iiō dettan, North Carolina, USA

Ij en̄jake Jetōb Kwojarjar n̄e ij kalur aō ļōmņak im kāālet jim̧we eo. N̄e ij ron̄jake jinō im jema, imaron̄ en̄jake an Jetōb Kwojarjar eo epaaktok.

Oliver B., 10 iiō dettan, Washington, USA

Jetōb Kwojarjar eo eokmāņāņe en̄jake im ej kōkajoorļo̧k. Jetōb Kwojarjar eo ej pād ijo n̄an kwe n̄e kwoj aikuji, eo ej kōm̧m̧an an kanooj aorōk.

Aisea A., 9 iiō dettan, Central Division, Fiji

Jetōb Kwojarjar eo ej kōm̧m̧an bwe in en̄jake m̧ōņōņō, lo̧udin̄din̄, im kajoor.

Hailey G., dettan 7, Santa Cruz, Bolivia

Ke ikar peptaij, ikar en̄jake pio kōnke kōn dān eo. Innām ke ekar dedeļo̧k aō peptaij, ikar en̄jake okmāņāņ im erreo. Jān kar peptaij ikar bōk juon bun̄tōn kileplep m̧aanļo̧k n̄an Kraist im Jemedwōj Ilan̄.

Malayla S., 8 iiō dettan, Yukon, Canada