“Jisōs Ekar Kwaļo̧k N̄an Kōj Iaļ eo,” Jera, O̧kwōj 2023, 4–5.
Jisōs Ekar Kwaļo̧k N̄an Kōj Iaļ eo
Kōmeļeļe ko jān Dan Burr
Jisōs Kraist ej Ļaddik eo Nejin Jemedwōj Ilan̄. E ekar itok n̄an laļ in n̄an kwaļo̧k n̄an kōj ekōjkan ad maron̄ bar ro̧o̧l n̄an ippān Jemedwōj Ilan̄ juon raan. Jisōs ekar peptaij. E ekar katakin bwe jej aikuj peptaij barāinwōt.
Jisōs ekar kwaļo̧k n̄an kōj ekōjkan ad mour. E ekar iakwe im jipan̄ aolep. E ej kōņaan bwe jen ļoor E.
Jisōs ekar en̄jake aolep metak ko ad im en̄taan kōn jerawiwi ko ad. Innām E ekar mej kōn kōj. Menin kar ņa etan Pinmuur eo an Jisōs Kraist. E ekar jerkakpeje. Ej meļeļe in E ej mour rainin! Kōnke kōn Jisōs Kraist, jenaaj barāinwōt mour ālkin ad mej.
Jisōs ekar kōm̧m̧ane aolepān men kein n̄an kōj kōnke E ej iakwe kōj. Kōnke kōn E, jemaron̄ mour ilo lan̄ ippān baam̧le ko ad juon raan.
Jemaron̄ ļoor Jisōs jān ad peptaij. Jemaron̄ barāinwōt ļoor E aolep raan n̄e jej iakwe im jipan̄ ro jet im kōjparok kien ko An.