“Mulimuli ia Iesu i Papua Niu Kini,” Uo, Mati. 2024, 6–7.

Mulimuli ia Iesu i Papua Niu Kini

E uiga ia Erwin

Tausaga: 7

Mai le: Itumalo Tutotonu, Papua Niu Kini

Gagana: Igilisi ma Tok Pisin

Sini: 1) Lele i se vaalele. 2) Avea ma se faifeautalai.

Mea e fiafia i ai: Siva ma fagota

Aiga: Tina, Tama, uso matutua e toatolu, ma se tuafafine matua e toatasi

O le Auala o loo Mulimuli ai Erwin ia Iesu

E mulimuli Erwin ia Iesu e ala i le fesoasoani atu i tagata matutua i lona taulaga. E fesoasoani o ia e faamama o latou fanua ma ave ia i latou ia meaai. “Ou te fiafia pe a ou fesoasoani ia i latou. Ou te fia fesoasoani atili,” o lana tala lea.

E mulimuli foi Erwin ia Iesu e ala i le tatalo i le Tama Faalelagi. “Pe a ou tatalo, ou te lagona e pei o loo faatasi Iesu ma a‘u,” o lana tala lea.

Sa tatalo Erwin e ole atu i le Tama Faalelagi e fesoasoani i lona aiga ia faatasia e faavavau. Sa o Erwin ma lona aiga i le malumalu i Toga ina ia faamauina o se aiga. Fai mai a ia,“Sa ou lagonaina le Agaga i totonu o le malumalu. Sa matuai filemu ma leai se pisa.”

O Mea e Fiafia i ai Erwin

Tala o le Tusi a Mamona: Ina ua fauina e Nifae se vaa (tagai 1 Nifae 17–18)

Tu masani faaleaiga: Faapotopotoina o aiga uma i le nuu e aai faatasi

Fualaau aina taumafa mata: O Apu

Lanu: Mumu

Pese Peraimeri: “O A‘u o se Atalii o le Atua” (Tusipese a Tamaiti,, 2)