O Ai Isaia?

I le Tusi a Mamona, tatou te faitau ai i upu a se tagata e igoa ia Isaia. O Isaia o se perofeta o le Feagaiga Tuai. Sa soifua o ia a o le i fanau mai Iesu Keriso.

Na aoao mai Isaia e uiga i le soifuaga o Iesu Keriso. Sa ia fetalai o le a aumaia e Iesu le filemu i le lalolagi. Sa ia aoao atu o le a maliu Iesu, toetu, ma toe foi mai i le lalolagi i se aso.

I le faitau selau o tausaga mulimuli ane, na tusia ai e Nifae upu a Isaia i le Tusi a Mamona e aoao ai i tatou e uiga ia Iesu Keriso. Ina ua asiasi atu Iesu i sa Nifae, sa Ia faasoa atu upu a Isaia. Sa ia fai talosagaina i tatou e suesue i ai. A tatou suesue i upu a Isaia, e mafai ona tatou lagonaina le alofa o le Faaola ma latalata atili atu ai ia te Ia.

Lu’i o Tusitusiga Paia

Faitau 2 Nifae 19:6. E fia suafa mo Iesu o loo i ai i lenei fuaiupu?
O le a le manu na foliga mai na faaalia ai sa i ai le Agaga Paia i le papatisoga o le Faaola? Faaiteite: 2 Nifae 31:8
O ai o le a toetutu? Faaiteite: Alema 11:44

E Mafai ona Ou Faitauina le Tusi a Mamona!

A uma ona e faitau, valivali se vaega o le ata. E mafai ona e faitauina mau nei ia e o faatasi ma le faitauga o vaiaso taitasi mai le Sau, Mulimuli Mai ia te A’u:

Vaiaso 1: 2 Nifae 11:2
Vaiaso 2: 2 Nifae 24:3
Vaiaso 3: 2 Nifae 26:23–24
Vaiaso 4: 2 Nifae 32:5
Vaiaso 5: 2 Nifae 9:13