Vaega mo Tamaiti Matutua Atu

O Le a Se Mea o i Lou Mafaufau?

Aisea e taua tele ai mea ou te matamata ai pe faalogo i ai? E le faatiga i se tasi.

—O Lē Afaina i Helsinki

Ata na tusia e Shawna J. C. Tenney

Lē Afaina Pele,

O mea uma e te matamata pe faalogo i ai e aafia ai ou mafaufauga, lagona, ma amioga. Ma e aafia ai le tagata e avea ai oe.

Ina ia avea ma tagata sili ona lelei, matamata ma faalogo i mea e sili ona lelei. Ua aoaoina i tatou e saili i ia mea e “mama, matagofie, pe logoleleia, pe tauleleia” (Mataupu Faavae o le Faatuatua 1:13). Ma e mafai ona tatou iloa e lelei se mea pe afai tatou te mananao e fai mea lelei ma “ia talitonu ia Keriso” (Moronae 7:16). O mea e te matamata pe faalogo i ai e taua tele ona e taua tele oe.

Ma le alofa,

O Le Uo

Lisi o Mea Lelei e Siaki o Ala o Faasalalauga

Faaaoga lenei lisi o mea e siaki e mautinoa ai ua e tuuina atu i lou faiai nao ala o faasalalauga matagofie!

• E faagaeetia ma fesoasoani ia ou maua ai se lagona lelei i totonu.

• Na te aoaoina a’u i mea lelei.

• E fesoasoani ia ou manao ai e usitai i poloaiga a le Atua.

• Na te musuia a’u e fai mea lelei.

• E faaaloalo ma fetaui ma tulaga faatonuina a lo’u aiga.