“Talofa mai Papua Niu Kini!” Uo, Mati 2024, 8–9.
Talofa mai Papua Niu Kini!
Aoao e uiga i fanau a le Tama Faalelagi i le lalolagi atoa.
O Papua Niu Kini o se atunuu i le Vasa Pasefika. E aofia ai le afa o le motu o Niu Kini. E silia ma le 8 miliona tagata e nonofo ai iina!
Gagana
O Papua Niu Kini e tele atu gagana nai lo soo se atunuu i le lalolagi—pe tusa ma le 840 gagana!
O Falelotu
E tele taimi e tutupu ai lologa i Papua Niu Kini. O lea la, o falelotu o le ekalesia o loo fausia i luga o pou. A oo mai se lologa, e mafai e tagata o le ekalesia ona alo a latou paopao agai i le faitotoa!
Manulele o le Vao
O manulele o le parataiso o manulele e matamuli o le vao. E aulelei ma felanulanuai apaau o po’a. O se manulele Raggiana o le parataiso o loo i luga o le fu’a a le atunuu.
Pese-O Pese
O ituaiga i Papua Niu Kini e potopoto e pepese, sisiva, fefaasoaai tu ma aga masani, ma faia ni uo. E silia ma le 100 ituaiga e auai i pesega e sili ona tele i tausaga taitasi!
Ata na tusia e Zhen Liu