“O Se Talanoaga ma Will e uiga i le Fesoasoani atu i Tagata Sulufai,” Uo, Mati. 2024, 40–41.
O Se Talanoaga ma Will e Uiga i le Fesoasoani atu i Tagata Sulufai
O Will e sau mai Penisilevania, ISA. Sa matou fesili atu ia te ia e uiga i se galuega faatino sa ia faia e fesoasoani ai i isi.
Ta’u mai ia i matou e uiga ia te oe lava ia.
E 11 o’u tausaga. Ou te fiafia e taalo soka ma lacrosse, tao kuki, aau, faasee i le faasee i luga o le aisa ma faasee i seevae pau taavale. Ou te taina foi le piano ma le vaiolini. O le lanu e sili ona ou fiafia i ai o le lanumoana paauli, ma o au meaai e sili ona ou fiafia i ai o fuamoa (falai ma palu, falai, saka—ou te fiafia uma iai!). Pe a ou matua, ou te fia avea ma fomai e pei o lou tama.
O le a se mea na tuuina atu ia te oe le manatu e fesoasoani aatu?
Sa ou faalogo o le toatele o aiga mai isi atunuu sa sosola ese mo lo latou saogalemu. O nisi o i latou sa siitia atu i se eria e lata ane. I le taimi lava lena sa ou mafaufau ai, “E mafai faapefea ona ou fesoasoani ia i latou?”
Sa ou faia se tatalo ia iloa pe mafai faapefea ona ou fesoasoani. Ona maua lea e lo’u tina se imeli mai le Aualofa a le siteki. Sa latou talosagaina tagata e foai atu ni mea e avatu i aiga sulufai. Sa ou iloa ua tali mai la’u tatalo!
Na faapefea ona e fesoasoani atu?
Ou te fiafia e tao meaai (o la’u matata o le faia o kuki) o lea sa ou filifili ai e faatau atu kuki e maua ai se tupe mo nei aiga. Sa ou faia ni faalauiloa ma alu atu i o’u seevae faasee e kiliva faataamailoai i le pitonuu. O la’u taifau, o Coco, na alu foi.
O le toatele o o’u tuaoi sa fiafia e faatau a’u kuki. Faatasi ai ma le tupe na ou maua, sa ou faatauina ai ulo ma falai e foai atu.
Na faape’ī ou lagona?
Sa ou lagona le fiafia i le iloaina o nei aiga o le a mafai ona kuka e faaaoga ai ulo ma falai. E mafai ona ou vaai faalemafaufau i le manaia o le tofo o se taumafataga e kuka i le fale pe a e i ai i se atunuu fou.
Sa ou aoao mai i le Peraimeri e faapea, “pe a outou auauna atu i o outou uso-a-tagata, ua nao lo outou auauna atu lava lea i lo outou Atua” (Mosaea 2:17). Sa ou lagonaina le alofa o le Tama Faalelagi mo a’u ma mo tagata na siitia mai i la’u eria.
O le a se fautuaga e te tuuina atu i se tasi e manao e fesoasoani?
Vaavaai mo ni auala e auauna atu ai i lau uarota po o le siteki. E mafai foi ona e fesoasoani i se malutaga i le lotoifale i la outou eria. E i ai auala e fesoasoani ai i tagata uma!
Ata na tusia e Dave Williams