“Kumusta gikan sa Papua New Guinea!” Higala, Marso 2024, 8–9.
Kumusta gikan sa Papua New Guinea!
Magkat-on mahitungod sa mga anak sa Langitnong Amahan sa tibuok kalibotan.
Ang Papua New Guinea usa ka isla nga nasod sa Kadagatan sa Pasipiko. Naglangkob kini og katunga sa isla sa New Guinea. Sobra sa 8 ka milyon ka tawo ang nagpuyo didto!
Mga pinulongan
Ang Papua New Guinea adunay mas daghang pinulongan kay sa bisan asa nga nasod sa kalibotan—mga 840 ka pinulongan!
Mga chapel
Mga pagbaha mahitabo kanunay sa Papua New Guinea. Tungod niini ang mga gambalay sa simbahan didto gitukod gamit ang mga haligi nga daw karang. Kon moabot ang baha, ang mga miyembro magbugsay sa ilang mga bangka hangtod sa pultahan!
Mga Langgam sa Lasang
Ang mga langgam sa paraiso manggi-ulawon nga mga langgam sa lasang. Ang mga laki adunay nindot kaayo ug mabulukon nga mga pako. Ang Raggiana nga langgam sa paraiso mao ang bandila sa nasod.
Sing-Sings [Kanta-Kanta]
Ang mga tribo sa Papua New Guinea magpundok aron manganta, manayaw, magpakigbahin og mga tradisyon, ug makighigala. Labaw sa 100 ka tribo mangapil sa labing dako nga kanta-kanta matag tuig!
Mga paghulagway pinaagi ni Zhen Liu