Pagkat-on mahitungod sa Basahon ni Mormon

Kinsa Si Isaias?

Sa Basahon ni Mormon, atong mabasa ang mga pulong sa usa ka tawo nga ginganlan og Isaias. Si Isaias usa ka propeta sa Daang Tugon. Nabuhi siya dugay na sa wala pa si Jesukristo matawo.

alt text

Si Isaias nagtudlo mahitungod sa kinabuhi ni Jesukristo. Miingon siya nga si Jesus magdala og kalinaw sa kalibotan. Nagtudlo siya nga si Jesus mamatay, mabanhaw, ug mobalik pag-usab sa kalibotan sa umaabot nga adlaw.

alt text

Gatosan ka tuig human niana, si Nephi misulat sa mga pulong ni Isaias diha sa Basahon ni Mormon aron sa pagtudlo kanato mahitungod ni Jesukristo. Sa dihang si Jesus mibisita sa mga Nephite, gipaambit Niya ang mga pulong ni Isaias. Mihangyo siya kanato sa pagtuon niini. Kon magtuon kita sa mga pulong ni Isaias, mabati nato ang gugma sa Manluluwas ug mas mapaduol ngadto Kaniya.

Nagtudlo si Isaias nga si Jesus mao ang “Prinsipe sa Kalinaw” (2 Nephi 19:6). Pagdrowing o pagkuha og larawan sa usa ka butang nga makatabang nimo nga mobati og kalinaw. Ipadala ang imong litrato ngadto sa ang Higala! Tan-awa ang luyo nga hapin aron makita kon unsaon.

Dula Bahin sa Kasulatan [Scripture Challenge]

• Basaha ang 2 Nephi 19:6. Pila ka ngalan alang ni Jesus ang anaa niini nga bersikulo?

• Unsa nga hayop ang mitungha aron ipakita nga ang Espiritu Santo didto sa pagbunyag sa Manluluwas? Tip: 2 Nephi 31:8

• Kinsa ang mabanhaw? Tip: Alma 11:44

Mga tubag: lima, salampati, tanan

Makabasa Ako sa Basahon ni Mormon!

Human nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako:

• Semana 1: 2 Nephi 11:2

• Semana 2: 2 Nephi 24:3

• Semana 3: 2 Nephi 26:23–24

• Semana 4: 2 Nephi 32:5

• Semana 5: 2 Nephi 9:13

Istorya nga naa sa PDF

Mga paghulagway ni Ben Simonsen