Iakwe jān Nicaragua!

Katak kōn ajri ro nejin Jemedwōj Ilan̄ ipeļaakin laļin.

Nicaragua ej juon laļ ilo Central America. Enan̄in 7 milien armej ro rej jokwe ijōņ!

Kajin

Kōbar ilo Kajin Spanish an Jera māākjin eo

Spanish ej kajin eo kōjerbale. Jet armej rej barāinwōt kōnono kajin ko an ijo make āinwōt Miskito, Sumo, im Rama.

¿Nahki sma?

Ej meļeļe in “Ejet am̧ mour?” ilo kajin Miskito!

Kajeded Gospel eo

Pija in ekkal an tampeļ eo im pija in ajri ro rej riit ippān doon

Mijenede ro jinoin tata raar etal n̄an Nicaragua ilo 1953 eo. Kiiō ewōr elōn̄ļo̧k jān 100,000 membōr ro an Kabun̄ in ijōņ! Em̧ool ewōr juon tampeļ ej ekkal.

Lake Nicaragua Sharks

Pija in Lake Nicaragua im pija in pako

Pako bull (Bull Shark) rej maron̄ mour ilo dān in jo̧o̧ļ im dān in aibōj. Menin ej meļeļe in remaron̄ mour ilo lo̧jet ko, reba ko, im lake ko! Rej etal jān Atlantic Ocean ilo juon reba aitoktok n̄an mour ilo Lake Nicaragua.

Palo de Mayo

Pija in juon joor kar kainōnōke kōn rōpin ko rōkōļarļar im pija in juon wōt kōdo̧

Armej in Nicaragua rej kōm̧m̧ane juon m̧akūtkūt ņa etan Palo de Mayo n̄e ej iien wōtuwōt ej itok. Rej kainōknōk juon wōjke ak joor kōn rōpin ko rōkōļarļar n̄an eeb ipeļaakin im lem̧ōņōņō aolepān allōn̄ eo.

M̧akūtkūt

Chuwis

Pija in green bean ko ilo juon kab

Chuwis ej juon ikkure ajri ro rej ikkure ilo Nicaragua. N̄an ikkure ikkure in, kwoj aikuj green bean ko (ak aļaļ ko) im juon ron̄ ilo bwidej (ak juon kab). Leļo̧k ļalem green bean n̄an kajjojo rikkure. Rikkure eo m̧oktata ej kadkad kōn green bean ko n̄an lowaan ron̄ eo juon illo̧k juon. Eļan̄n̄e rejjab kadeļo̧n̄e, rej bōjrak, im rikkure eo tok juon ej wōnm̧aanļo̧k. Rikkure eo m̧oktata n̄an kadeļo̧n̄ aolep green bean ko ļalem ilo ro̧n̄ eo ej bōk tūb eo!

Iiōk

Gallopinto

Pija in juon m̧ōn̄ā in raij im bean kilmej ko

Ilo Nicaragua, elōn̄ armej ro rej m̧ōn̄ā raij im bean ko aolep raan. En̄in ej iiōk eo kwomaron̄ kajjieon̄!

1. Kōmāņāņe 2 tablespoon in oil im ½ anien iaļo kajidikdiki. Poktake ium̧win 5 minit ko.

2. Poktake ilo 1 1/2 kab in raij mouj ium̧win 2 n̄an 3 minit ko.

3. Kobaik jo̧o̧ļ im 3 kab in dān. Bōk ine ko jān e jimettan in juon bell pepper green im likūt itulōn̄.

4. Kōbare im kōm̧ate ium̧win 15 minit ko m̧ae iien eo dān eo enan̄in jako.

5. Joļo̧k pepper ko kar kōm̧ati im poktake ippān 2 kab in bean būrōrō ak kilmeej kar kōm̧ati im 1/2 teaspoon garlic powder. Kōm̧ate ium̧win 10 minit ko.

Lale bwe kwon bōk jipan̄ jān juon rūtto!

Bwebwenato eo lo PDF

Kōmeļeļe ko jān Dave Klüg