Lan̄lōn̄ eo ilo Ekkatak

Jān Elder Clark G. Gilbert

Jān Jiljilimjuonn̄oul eo

Pija

Clark G. Gilbert

Jān juon intōrpiu ippān Olivia Kitterman im Noelle Lambert Barrus.

Ij jab en̄jake āinwōt aō kar juon rikkatak eo em̧m̧an an rūttoļo̧k. Aolep ro jeiū im jatū raar lukkuun māletlet. Er wōj raar bōk grade ko rem̧m̧an. Er wōj raar bōk kūlaaj ko reppen tata. Iaar kajjieon̄i kūlaaj ko reppen tata, bōtaab kar jan̄in kar bōk eō. Bōnbōn ekar lukkuun pen. Kōn menin ikar ļōmņak, “Ekwe, ij ļōmņak ij jab māletlet.” Ikar jab ļōmņak bwe emaron̄ kar oktak.

Innām juon iiō ekar wōr juon aō rūkaki eo ekar letok n̄an eō lōke eo ikar aikuji. Rūkaki eo aō ekar lo eļapļo̧k tōļan ilo n̄a jān aō kar. Liin ekar ba, “Clark, kwomaron̄ erom juon rijikuuļ em̧man. Kwoj aikuj in tōmak ilo kwe make.”

Kōn menin Iaar kajjieon̄. Ikar buuļ ekkatak. Ikar barāinwōt jerbal n̄an kaļapļo̧k aō ko̧n. Ikar katak kōn ekōjkan kōm̧m̧ani aolep homework ko aō. Kune TV eo ekar jipan̄ eō kalimjōki wōt jerbal in ekkatak ko aō ilo jikuuļ. Ejjab to, ikar erom juon rijikuuļ em̧m̧anļo̧k. Im lōke eo aō ekar eddōkļo̧k.

Ke ikar etal n̄an mijen eo aō, ikar lo bwe ikar jab aikuj in katak make. Ikar kajjitōk ippān Jema Ilan̄ kōn jipan̄. Im Ikar ron̄jake Jetōb Kwojarjar eo. Ke ikar buuļ jerbal, ikar maron̄ katakin im jipan̄ armej ro. Ke ikar ro̧o̧l n̄an m̧weo im̧ō jān mijen eo aō, ikar etal n̄an college. Ikar jar kōn jipan̄ eo an Anij ilo aolep kūlaaj. Ikar erom juon rijikuuļ em̧m̧anļo̧k im em̧ol kar jino iakwe bōnbōn!

Ikar ļōmņak bwe māletlet ekar meļeļe bwe kwon jeļā eļap im jikuuļ ekar pidodo. Ejjab m̧ool. Eļan̄n̄e kwoj m̧ōņōņō in kobaik Irooj ilo katak eo am̧ im buuļ jerbal n̄an em̧m̧anļo̧k, kwoj māletlet!

Eļan̄n̄e men ko rej pen kiiō, keememej bwe kwoj juon ajri nejin Anij. Ewōr am̧ kōjatdikdik ejej uwaan. Kwomaron̄ kōm̧m̧ani men ko reppen. En jab jokod am̧ kaminene. Kajjitōk ippān Jemedwōj Ilan̄ kōn jipan̄. E ej kōņaan bwe kwon tōprak. Kwomaron̄ kōm̧m̧ane men in!

Pija

Ļaddik eo ej ettōn̄ dikdik ej kōm̧m̧ani jerbal in jikuuļ.

Katak Ekam̧ōņōņō

Kappukōt kajjojo jon̄ak ko an kein jikuuļ ko ilo grid eo itulaļ. Ta eo kwoj kōņaan katak kake ilo jikuuļ?

Pija

M̧akūtkūt eo ilo PDF kōn kein jerbal in jikuuļ ko ilo grid eo

Kōmeļeļe ko jān Agnes Saccani