“Bwebwenato ippān Alan kōn Laajrak in Tōmak ko,” Jera, Juļae 2024, 40–41.
Bwebwenato ippān Alan kōn Laajrak in Tōmak ko
Alan ej itok jān Málaga, Spain. Kōm kar kajitūkin e jet kajjitōk ko kōn ekōjkan an kar katak kōn Laajrak in Tōmak ko.
Kwaļo̧k kajeem make n̄an kōm.
N̄aij ruwalitōk iiō detta. Ke ikar rūttoļo̧k, ij kōņaan erom juon scientist ebun̄bun̄. Kōļar eo em̧m̧an tata ippa ej oran, im m̧ōn̄ā eo enno tata ippa ej tortillas de patatas (omlet in Spanish) būbū eo aō ej kōm̧m̧ane.
Ekōjkan am̧ kar katak kōn Laajrak in Tōmak ko?
Ikar jino katak kaki ilo Būraimere. Kōm kar al al ko n̄an jipan̄ kōm kakilōklōki. Jet iien rūkaki ro am raar je er ioon boot eo im kar jeore jet naan ko. Kōm kar barāinwōt jin̄aik pija ko n̄an kōmeļeļeik kar ta meļeļe in kajjojo Laajrak in Tōmak.
Ikar barāinwōt kamineneik ba er ippān baam̧le eo aō ilo waan ettōr eo ilo iaļ eo n̄an jikuuļ. Ij jipan̄ leddik eo jatū, Maia, ekatak barāinwōt. Liin ekar jeļā kadede ko jiljino im̧aan!
Ewi wōt Laajrak in Tōmak eo em̧m̧an tata ippam̧?
Em̧m̧an ippa nōm̧ba ruwatimjuon. “Kōmij tōmak aolep men ko em̧ōj an Anij kwaļo̧ki, aolep men ko E ej kwaļo̧ki kiiō, im kōmij tōmak bwe Enaaj kwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij.” Ej katakin bwe Jemedwōj Ilan̄ elōn̄ļo̧k men ko ewōr ippān n̄an kōj n̄an katak jidik kōn jidik.
Ekōjkan an kar jeļā Laajrak in Tōmak ko jipan̄ eok?
Juon raan ilo jikuuļ, eo m̧ōtta Sophia ekar kajjitōk ippa ta eo ij tōmak ie im eļan̄n̄e ij uwaan jabdewōt kabun̄. Ikar keememej Laajrak in Tōmak eo kein kajuon: “Kōmij tōmak ilo Anij, Jemān Indeeo, im ilo Nejin, Jisōs Kraist, im ilo Jetōb Kwōjarjar.” Kōn menin ikar kwaļo̧k menin ippān.
Ikar barāinwōt jiron̄ e bwe ikar juon Rikūrijin im juon membōr in Kabun̄ eo an Jisōs Kraist im Armej ro Rekwojarjar ilo Raan-ko Āliktata. Liin ekar ron̄jake eō im kar meļeļe ta eo ikar kwaļo̧ke ippān.
Ekōjkan an en̄jake eo am̧ kōm̧m̧an am̧ en̄jake?
Ekar lukkuun em̧m̧an aō en̄jake kōnke ikar jeļā bwe ikar peran n̄an kwaļo̧k tōmak ko aō ippān eo m̧ōtta. Kōnke kōn aō buuļ kate eō katak Laajrak in Tōmak ko, ikar maron̄ in kwalo̧k gospel eo im jeļā ta eo n̄an ba.
Kōmeļeļe ko jān Toby Newsome