“Arōn ej Katakin Kiin̄ eo,” Jera, Juļae 2024, 26–27.
Bwebwenato ko an Jeje ko Rekwojarjar
Arōn ej Katakin Kiin̄ eo
Kōmeļeļe ko jān Andrew Bosley
Arōn ekar juon iaan ļōm̧aro nejin Mosaia. E ekar juon mijenede. E ekar katakin kiin̄ eo an riLeman ro ilo aolepān āne eo.
Arōn ekar kajjitōk ippān kiin̄ eo eļan̄n̄e ekar tōmak ilo Anij. Kiin̄ eo ekar ba enaaj kar tōmak eļan̄n̄e Arōn ekar jiron̄ e bwe Anij ekar m̧ool in. E ekar kajjitōk ippān Arōn n̄an jiron̄ e eļapļo̧k kōn Anij.
Arōn ej riit jeje ko rekwojarjar n̄an kiin̄ eo. E ekar katakin kōn kōm̧anm̧an eo an laļ in. E ekar katakin kōn karōk eo an Anij. E ekar jiron̄ kiin̄ eo kōn Jisōs Kraist.
Ālkin wōt, kiin̄ eo ekar jar. E ekar kajjitōk ippān Anij eļan̄n̄e ta eo Arōn ekar ba ekar m̧ool. Kiin̄ eo ekar bōk uwaak eo bwe ekar m̧ool!
Kiin̄ eo ekar tōmak ta eo Arōn ekar katakin. Aolep armej ro ilo im̧weo im̧ōn raar barāinwōt tōmak. Raar peptaij im kar kāālet n̄an ļoor Jisōs Kraist.