Katak kōn Bok in Mormon

Wōn eo Kar Abish?

Abish ej jibwe juon ainbat

Abish ekar juon riLeman. Liin ekar jerbal n̄an queen im kiin̄ eo.

Abish ej alooje an Amōn katakin

Juon raan, Abish ekar lo an Amōn katakin er kōn Jisōs Kraist. Aolep ro raar ron̄jake kar en̄jake an Jetōb kar kanooj in kajoor jon̄an raar wōtlo̧k n̄an ioon bwidej.

Abish ekar bwilōn̄ kōn armej ro me raar wōtlo̧k n̄an ioon bwidej.

Abish ekar dedeļo̧k an kar tōmak ilo Jisōs Kraist. Liin ekar jeļā bwe kajoor eo an Anij ekar kōm̧m̧an an ro jet wōtlo̧k n̄an ioon bwidej.

Abish ej kōnono n̄an armej ro inam̧ōj.

Liin ekar ettōr nam̧ōjļo̧k im jiron̄ armej ro n̄an etal n̄an lo ekabwilōn̄lōn̄ jab eo ekar waļo̧k n̄an queen eo im kiin̄ eo.

Abish ej jipan̄ kajutak queen eo.

Liin ekar jipan̄ queen eo jutak.

Kiin̄ eo im queen eo rej kōnono n̄an armej ro

Kiin̄ im queen eo raar kwaļo̧k naan in kam̧ool ko aer kōn Jisōs Kraist ippān ro jet. (Lale Alma 19:16–17, 28–31.)

Jeje ekōjkan am̧ maron̄ jipan̄ ro jet katak kōn Jisōs. Kwaļo̧k ta eo kwar je ippāer!

Idajon̄jon̄e Jeje Ko Rekwojarjar

• Wōn ekar katakin Kiin̄ Lamonai kōn Anij? (Alma 18:26–28)

• Ta āt kāāl ko riLeman ro raar an̄inn̄n er make ālkin aer ļoor Jisōs Kraist? (Alma 23:17)

• Ta eo armej ro raar kalbwini ilo Alma 24:19?

Uwaak ko: Amōn, Anti-Nipai-Liai; kein tariņae ko

Ij maron̄ Riiti Bok in Mormon eo!

Peij in kōļar in armej ro wia kein tariņae ko aer

Ālkin am̧ riit, kōļar e m̧ōttan in pija eo. Komaron̄ riiti eoon kein me rej ekkeijel ilo kein riit ko an kajjojo wiik jān Itok, Ļoor Eō.

• Wiik 1: Alma 19:35–36

• Wiik 2: Alma 26:12

• Wiik 3: Alma 31:38

• Wiik 4: Alma 33:4–11

Bwebwenato eo ilo PDF

Kōmelele ko jān Bryan Beach