Te Rairannano E Rangi ni Kakukurei!

Iroun Beretitenti Dallin H. Oaks

Moan Kauntira n te Moan Beretitentii

Dallin H. Oaks, “Kaitiakaki man te Rairannano,” Riaona,, Meei 2019, 91–94.

Te rairannano e bon kakukurei. Bon te mwakoro ae kakaawaki n ana babaire Tamara are i Karawa. Ti riai ni bane n rairinanora.

Ngkana ti na rairinanora, ti riai ni moanna ma te onimaki iroun Iesu Kristo. Ti riai ni katoki ara bure ao ni kaotii. E nanonaki n aei bwa ataakin te kaairua ae ti karaoia, ni kabwarai ara bure nakoia ake ti kammarakiia, ao n rineia ni karaoi rinerine aika a raraoi. Ti riai ni kana te toa ni katoa Tabati.

Ngkana ti rairinanora, ti na itiaki. E berita te Uea bwa E na “aki manga uring [ara bure]” (Reirei ao Berita aika Tabu 58:42). Bon te berita ae tamaroa! Bon te kakai ae tamaroa! Bon te kakabwaia ae tamaroa!

Moan te kukurei nanon ara Tia Kamaiu ni kan butimwaaia aomata ni kabane ake a rairi nanoia ao n Iriiria.

Manga Itiaki

Karaoa te waaki ni kakukurei are e na buokiko n reiakina taekan te rairannano!

Kanoaa te boora n te ran. Ngkanne kabwakai tabeua atiibu ao te baareka inanon te ran. Aio e tei ibukin rinerine aika a kaairua ake ti karaoi.
N te aro bwa ti aonga n itiaki, ti riai n katoka karaoan te bwai ae kaairua. N tei ibukin aei, kaotinakoi atiibu mai inanon te boora. Aekakira taraan te ran n te tai aei? E bon baareka naba?
N te aro bwa e na bwanin raoi ara rairannano, ti kainnanoa Iesu Kristo. E riai n iai ara onimaki Irouna ao n Ana Mwakuri ni Kamaiu. Taua te boora n ran iaan te bwai ni katii ran. Katiia te ran ae itiaki nako nanon te boora ni karokoa are e nako te ran ae baareka! Aei e tei ibukin mwaakan Iesu Kristo are e buokiira bwa ti aonga n itiaki.