Bwaai ni Kaunga

Te Tiein ni Wareware ni Booki aika Tabu

A kona booki aika tabu ni buokira ni namakina te raunnano ao ana tangira Tamara are i Karawa. Ko kona ni karaoa te tiein ni wareware ni booki aika tabu ngkana ko namakina te raraoma ke n nanokawaki.

Te tieibu ae beeboo iai inanona tabeua kiibu aika ko kona ni kabonganai. Ko kona naba ni karina oin am kibu ae mamate nanom iai.

Tuangiia am karo ke te tia kairiiri n te Moanrinan bwa e na buokiko!

1. Korei karinani tabeua mai buakon kiibu aika a mamate nanom iai.

2. N am boki aika tabu, kakaea te moan kibu i aon ake ko korei ni karinani. Kabongana te bentira ae kara bwa ko na kanikinaea raoi te kibu.

3. Irarikina, korea taekan te kibu (ke nambwan te iteraniba, ngkana e bebete anne iroum) ibukin te kibu are i mwiina man ake ko korei ni karinani. Ngkanne nakon te kibu anne ao ni kanikinaea naba.

4. Kanikinaei taian kibu ao korei taekaia ibukin te kibu are i mwiina. Ngkana ko kanikinaea te kabanea ni kibu are i aon am karinan, korea taekan te kibu ibukin te moan kibu are ko kanikinaea.

• Ioane 14:27: “ I katuka te rau i roumi, I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maaku.”

• Reirei ao Berita aika Tabu 68:6: “Mangaia are, kukurei, ao tai maaku, bwa Ngai te Uea I mena iroumi, ao n tei ibukimi.”

• Taekan Rabakau 3:5: “Ko na onimakina Iehova n nanom ni kabane.”

• D&C 121:7: “E na mena te rau n tamneim; am kangaanga ao karawawatakim a na riki ma tii n te tai ae uarereke.”

• D&C 45:62: “Bwa e koaua ae I tuangkami, bwa a tataningaiko bwaai aika korakora.”

• Taeka n Rabakau 3:24: “Ngkana ko wene ao ko aki maku: eng, ane ko na wene, ao e na raoiroi matum.”