“Nakomai, Iriirai Waaki ni Kakukurei,” Te Rao, Tebetembwa 2024, 28–29.

Nakomai, Iriirai Waaki ni Kakukurei

Ibukin bootakin te utu n te tairiki ke kamatebwaian booki aika tabu—ke tii ibukin te kaungaunga!

Aokati 26–Tebetembwa 1

Aan te Kateitei ae Matoatoa

A bird feeder on a rock and knocked down.

E reireiniia natina mwaane Ereman bwa a na katea aan maiuia i aon Iesu Kristo (taraa Ereman 5:12). Aan te kateitei bon kamatoaan aam ae ko na kateitei i aona. Aan te kateitei ae matoatoa e karika te kateitei ae bwanin bwa e na matoatoa, riki rinanon taian te angibuaka. Katea uoua te taawa—teuana i aon aan te kateitei ae matoatoa ao teuana i aon ae aki matoatoa. E ngaa te taawa ae matoatoa riki? Ti na kanga ni katea maiura i aon Iesu Kristo?

Tebetembwa 2–8

TeKakoaua ibukin Iesu Kristo

Ibukin Ereman 7–12

A girl reads something to a boy sitting on a couch.

Angiina aomata ni booki aika tabu a reirei ao a kakoaua ibukin Iesu Kristo (taraa Ereman 8:16–20). Ko kona naba ni moana katean am koaua Ibukina! Te kakoaua bon te bwai ae ko kakoaua ke ko ataia bwa e koaua ibukin Tamara are i Karawa ao Iesu Kristo. Korea am kakoaua ao kataneiaiko n tibwauaia ma am utu ke raoraom.

Tebetembwa 9–15

Tamuera ngke e tamwarake te Oo

Ibukin Ereman 13–16

A boy and a girl cutting out and creating crafts.

Tamuera bon te burabeti are e reiakina taekan Iesu Kristo i aon tabukin oon te kaawa (Taraa Ereman 13:4). Nakon iteraniba 12 ao karaoa te bwai teuana ae e na buokiko ni karakina rongorongon Tamuera.

Tebetembwa 16–22

Te Takakaro n Ikoikotaki

Ibukin 3 Nibwaai 1–7

Children playing a game, one of them has a hand raised.

E berita Iesu Kristo bwa E na ikoikotiia Natina ibukina bwa e tangiriiia aomata ni kabane ao e tangiria bwa a na kareke te euangkerio (taraa 3 Nibwaai 5:24). Takakarona te takakaro ibukin te ikoikotaki. Tuangiia taan takakaro bwa a na tei ni kamronron. Temanna te aomata are e mena inuuka e na taekina te bwai ae koaua ibukina, n aron aia kara ae mamate nanoia iai. Ngkana e koaua anne ibukin te aomata riki temanna, a na roko naba ni mena inuuka. Waakinna nako ni karokoa are a bane n ikotaki inuuka ni kabane.

Tebetembwa 23–29

Iesu Bon te Oota

Ibukin 3 Nibwaaii 8–11

Bon ngaia “te oota ao maiun te aonaaba” (3 Nibwaai 9:18). Mataku n otintaai ke bungintaai ma am utu. Ngkanne korea tamnein te bwai are ko nooria. Ngke ko tabe ni korotamnei, maroroakinna bukina ngkai ko tangira Iesu Kristo ao E kanga n uota te oota nakoim.