“Te Takakaro te Bana ae Karekea te Kabuanibwai,” Te Rao, Tebetembwa 2024, 4–5.
Te Takakaro te Bana Ae Karekea te Kabuanibwai
E bon tau man ninikoria Daniel ni kaota te koaua?
E riki te karaki aei i USA.
Daniel e kauka matan ana bwaoki ni bwai n takakaro Tibuna te unimwaane ae e a bwainikawai ao ni kaninganingaa kanoana. A ikotaki irarikina naan nako ai tarina bwa a na nooria tera kanoana. A tangiria bwa a na kaai n takakaro n ana auti Tibuia te unimwaane!
Inanon te auti a rangi ni mwaiti bwaai n takakaro ake a rangi bwainikawai are a tatakakaro ngkoa iai tinan Daniel ao ai tinana ngke a uarereke.
“Tera bwaai akanne?” Bon bwaai n takakaro aika onoua ake bwaai n taakete ae a raneanea, man bwainikawai ake e tanaki ni kokotei Noah ae ai tarin Daniel. A kakang taboia ao bukiia are a na tiikeke raoi rinanon te eea—tabeua a uraura ao tabeua a baboobo.
E anaa teuana Daniel. “E karakina rongorongon bwaai aikai tinau,” e taku. “Ko na kaaki te raubaba ae mronron i aon te uteute itinaniku. Ngkanne ao kam ikaruoruo ni karekare ni bwaai aikai riaon te eea ao ni kataia bwa a na roro man rin raoi inanon te bwa ane e mronron anne.”
“E nakoraoi,” e taku Noah. E a kaman biri nako tinaniku Daniel bwa e na karaoa te tabo n takakaro.
N te tai ae aki maan ao Daniel ma naan ai tarina a tabe ni kakarenakoi bwaai n taakete riaon te eea n ana katawanang Tibuia te unimwaane. E tangira te aro aei Daniel ngke a ruo ao n rin raoi taian bwai n taakete akanne ao n nim i aon te uteute.
“I taku bwa I kona ni kare n ae e rietaata riki nakoim, e taku Lily aei ai mwaanen Daniel.
A ngarengare ataei ao a tanaki ni bana n riaon ae moan te rietaata.
E reke ana iango imwiina Daniel. “I taku bwa I kona n kakibaa au bana n riaon kawain te kaa n rinnako ao nako nanon te kai are e mronron arei” e taku. E biri nakon iterana are teuana ni kawain te kaa n rinnako ao ni kare ma angin nanona.
E kiba n te eea, ma e aki bwaka nako aon te uteute. Ma e bwaka i aon ana kaa ai Tinana ae Robilyn ae bane booureireina ma tangina ae REBWETAUA.
“Oo tiaki ngaia!” e takaarua Noah.
E anaa te bwai ni bana Daniel. Iai te mwanomwano ae bubura i aon te kaa n te tabo are e bwakaraki aona.
A uaia n itaramata ataei ma te maaku. Ngkanne, ngke akea manga te taetae, a kitana aia bwai n taakete arei i aon te uteute ao ni biri nakon te auti.
I mwiin te bwakantaai anne, a bane te koraki n toka n aia kaa n okira mweengaia. Akea bwa e a noora te bwai ae mwano i aon ana kaa ai tinan teuae Daniel. “Tera ae riki?” e titiraki.
E namakinna Daniel bwa kanga e a tinebu birotona. Akea te bwai ae e taekinna. E bon tii rin inanon te kaa ao ni kaboo nakoia naan nako ai tarina.
Inanon butiia n oki nakon mweengaia, e a tekateka mai buki n aki kakarongoa Daniel. E kataia ni wareware n ana boki. Ma kanga e aki kona ni katurua ana iango. E namakina te aoraki inanona ibukin te bwai are e riki. E ataia bwa te kokoaua bon te bwai ae e riai ni karaoia. Ma kaotan te koaua e taraa ni kakamaaku! A na rangi n un ana karo irouna. Ao ai tinana naba.
Ngkanne e a tabe n iangoa taekan ana kibu ae mamaten nanona ae anganna te ninikoria. Taniera n te O Tetemanti e karenakoaki nakon nneia raian ibukin rinean te eeti. E rangi n ninikoria. Tao Daniel e kona naba n ninikoria.
“Eei, Tinau?” E taku Daniel. “I bana n te bwai n taakete, ao e boo raoi ana kaa ai Tinau ae Robilyn ao e a mwano aona. Aei bon au kaairua.”
E taraia tinana ni kiraatin nanon te kaa. Kanga e aki rangi n un n aron are e kantaningaia Daniel. “Ko rabwa ngkai ko tuangai te koaua,” e taku.
E ikerake Daniel. “I kona n tareboonia ai Tinau ae Robilyn ngkana ti roko n te auti?” e titiraki. “I kan kabwara au bure. Ao N na mwakuri korakora bwa e aonga n reke te mwane ibukin boon karaoan ana kaa.”
E wiingare tinana. “Anne te iango ae tamaroa.”
E toki marakin biroto Daniel are e taonaki iai, ao e namakina ngkai te rau. E bon tau man ninikoria Daniel ni kaota te koaua. Ibukin Iesu Kristo, e kona n rairananona ao kaetii bwaai.
Kamatataan te Tamnei iroun Josh Talbot