“Te Kaungaunga ibukin Tiim Aika Uoua,” Te Rao, Tebetembwa 2024, 30–31.
Te Kaungaunga ibukin Tiim Aika Uoua
E mata bubuaka Jayne. E aki tangiria bwa a na tokanikai kaain te tiim are teuana!
E riki te karaki aei i South Korea.
E karea wiina Jayne ni kabanean kanana te nuuto. Mmmm. E kangkang!
“Ti a takakaro n te Yut Nori!” E taku ai Tamana ae Ji-Ho.
Ai manga taina naba anne n te ririki! Ana utu a bukamarua te Chuseok, te Tai ni Kakaitau i Korea. A ikotaki ana utu Jayne n te bong aei bwa a na kang amwarake aika a mwaiti ao n takakaro n te Yut Nori ni kabane. Te Yut Nori bon ana takakaro Jayne ae mamate nanona iai.
A bane n tekateka ni kamronron te koraki i aon te burooa. E taratara nako Jayne. Te tiim raa ae e kan kaainna? E keerake ni kaaniia nako rarikin ai Tamana ae Ji-Ho. “I kan kaaina am tiim!” e taku. “Ti na bon riki bwa taan moanna ngaira aika a korakora!”
E ngare ai Tamana ae Ji-Ho. “Ngkai ko na kaaina ara tiim, ti kakoaua bwa e na bon reke arora!”
E a katea te bwai n takakaro tinan Jayne inuuka inanon te mronron. E buokia Jayne ni katei mwakorokoro aika bwaai n takakaro. A kabuta aua te kai nakoia kaain te tiim bwa antai ae e na moan nako moa.
Ai tarin Jayne ae Ana ngaia ae e na moan toka. E a karenako taian kai rinanon te eea. Aron bwakan te kai e kaotia bwa iraua te maranga are e na kona te tiim ni butinako i aon te bwai n takakaro. Ni kabane kaai ake aua a bane ni baraaki, are nanona bwa Ana e reke irouna te Yut! E na riai ni kamwainga waaia kaain ana tiim aua te maranga ao e a manga reke riki tokana.
Ma Ana bon tiaki kaain ana tiim Jayne.
E rukumiii baina Jayne ao e kabubuakai matana. “Au kantaninga bwa e na aki nakoraoi ana kare,” e wirikiriki nakon ai Tamana ae Ji-Ho.
“Kakukureiko!” E taku ai Tamana ae Ji-Ho. “E a bon tibwa waaki te takakaro.” E anganna te moangare ni kaunganano.
I mwiin ana kauatai n toka Ana, ai ana tai kaain ana tim Jayne ni kare n te kai. Ma aki rangi n raroa aron aia kare n aron raroaia kaain ana tiim Ana.
Ni katoa tain te buti, a kaungaunga kaain ana utu Jayne ao a ngarengare. E a bon mamataku Jayne n aron kakabutan mwakorokoro akanne i aon te bwai n takakaro. A bane n unga te koraki.
Bon ni kabane ma tii Jayne. E a bon kokonaaki naba ana tiim.
N tokin te tai ao e a roko n ana tai Jayne. E karenakoi taian kai n te eea, ma tii teuana ae bwaka ni bobaraaki. Butin waaia kaain ana tiim bon tii teuana te maranga.
E rukumii baina Jayne. “I a rawa!” e takaarua. “I tangiria bwa ti na moanna.”
N te tai ae waekoa, aikoa kakarongoa te koraki. Ngke e tararake, e a bane n taraaki irouia ana utu. A taraa ni miimi ngkai e a bon rangi n un.
E a moanna n abuue ubun Jayne. E namakina te aki mweengaraoi ngkai e aki kukurei ibukin ana utu. E aki taneiai n arona ae te kakai un. E teirake bwa e na kitana te kamronron.
E a katika baina ai Tamana ae Ji-Ho. “Ko riai n aki nako,” e taku. “Bon ti te takakaro ma tiaki taekan te moanna. Bon tii kataia bwa ko na unga.”
“E TAMAROA.” E a tekateka Jayne. E tangiria bwa e na unga n aroia ake te korakina. E kume n ikerake ao ni mamataku iroun ai mwaanena ae Ben ngke e kakibai taian kai.
“E tamaroa butim, Ben!” E taku ai Tamana ae Ji-Ho. E bwanaa n rangi ni kukurei.
Jayne e taraa ai Tamana ae Ji-Ho ma matana aika a uremangaa. E kaungaia kaain te tiim are teuana! Tao ao aikan anne bukina ngkai e taraa n rangi n unga.
Ngke e waaki te buti are i mwiina, e a iangoia Jayne bwa e na kaungaia te koraki ni kabane i aon tiim aika uoua. E koaua ae taku ai Tamana ae Ji-Ho. Bon tii te takakaro ma tiaki taekan te moanna. Iesu e kona ni buokia bwa e na kukurei ibukiia kaain ana utu e ngae ngke e konaaki.
Ngke e a manga roko riki ana tai n takakaro Ana, e moangare Jayne nakoina. “Tekeraoi! E reke raoi aio iroum!”
Man iteran te kamronron, e moangare Ana mai ikekei. E namakina te kukurei inanona. E namakina te unga ae moan te bati!
Kamataatan te tamnei iroun Uran Duo