Antai Raoi Ngkoe

Iroun Uniwmaane Kevin W. Pearson

Man te Itingaun

Man te marooro n titiraki ma Olivia Kitterman ao Diana Evelyn Nielson.

Tamara are i Karawa e tangiriira. E tangiria ni kan buokiira bwa ti na ataia bwa antai ngaira. E karika tamneira i mwaain rokora ni maeka n te aonaaba aei. Ngaira ni kabane bon natin te Atua mwaane ao aine.

N te tai teuana ma teuana ti na kona n namakin te maroaa ke te nano n raraoma are ti taku bwa ti a bon aki tau. Ma e atai raoi ara namakin Iesu Kristo. E na buokiira n tokanikai i aon kangaanga n aekaia nako. Bwaai aika a rangi ni kangaanga ake ti kaitara ma ngaai n te maiu aei a kona ni buokiira bwa ti na riki n ai aron Iesu Kristo ngkana ti oki Nakoina.

E buokiira te euangkerio ni bon taraira n aron taraakira iroun Tamara are i Karawa. Rinanon ara onimaki iroun Iesu Kristo, ara kangaanga a kona ni bitaki nakon taian kakabwaia. N ataia bwa antai ngkoe ao aron taraakim iroun te Atua e na kakabwaia temanna ma temanna n roroia nako!

Ngkai ti a ataia bwa ngaira raoi natin te Atua, ti na kona ni katurui ara iaongo i aon are e tangirira Tamara are i Karawa bwa ti na riki nako iai. Ti na kaitara ma ara kangaanga ma Ngaia. E ngae ngke ti aki kororaoi ao ni karaoi kaairua, ti kona ni kunea te kantaninga n ataakina bwa ngaira natin te Atua.

Kakaea ae Mamaten Nanom

Ti bane ni kakaokoro ngaira ni kabane. A kakaokoro ara taarena, baika ti tangiria, ao aika ti aki tangiri. Ma ngaira ni kabane bon natin te Atua!

Kabonganai taeka ao kanoaa iai te tiata ao kakaea bwa tera ae a nano iai mai buakoia raao aikai. Bwaai n Ibuobuoki: Korea te X irarikin are ko ataia bwa e aki koaua. Te moan e a tia ni karaoaki ibukim. Ngkana ko a tia, ma kaoram n tatabeua nako ao e na riai n iai teuana te tikuea ae akea kanoana!

Te tia katanga te biaano bon tiaki Amara ke Jade.
Max e aki tangira te numera.
Akea mai buakoia ataenimwaane ae katanga te bwai ni katangtang ke e rabakau ni karate.
Te ataeinnaine are e tatangiriia maan bon tiaki Amara.
Kai bon tii ngaia ae tatangira te bwatiketibooro.