O leaUpu ma lea Upu

Faataatia le Faavae

O le autu o le tausaga lenei e fesoasoani e te iloa ai i lau matafaioi i le fausiaina o le malo o le Atua.

Mataupu Faavae ma Feagaiga 64:33–34

33 O le mea lea, aua le faavaivai i le faia o mea lelei, ona o loo oulua faataatiaina le faavae o se galuega tele. Ma o mea iti e tutupu mai ai mea tetele.

34 Faauta, e manaomia e le Alii le loto ma le mafaufau malie; ma o e e loto malilie ma usiusitai o le a aia le lelei o le laueleele o Siona i aso nei e gata ai.

Faia o mea lelei

Faia o mea lelei e musuia ai pe faaosofia ai isi e opogi ma faia mea lelei ma tamalii.

Faavae

O le vaega pito i lalo o se fale, e tauaveina le avega o le fausaga i ona luga.

Galuega tele

O la tatou galuega tele o le fesoasoani lea e fausia le malo o le Atua i le lalolagi, e aofia ai le faapotopotoina o Isaraelu.¹

Mai mea iti

O mea iti lelei uma lava o loo e faia o loo fesoasoani e fausia se mea telē.

Loto ma se mafaufau malie

E manaomia i tatou e le Alii ia tuuto atu o tatou manaoga, mafaufauga, ma lagona i Lana galuega.

Aia le lelei o le laueleele

Mai le Feagaiga Tuai, o lona uiga ia fua tele mai (tagai Isaia 1:19).

Siona

OSiona e mafai ona faauigaina: o le nuu o le Alii, o se nofoaga e nonofo ai le nuu o le Alii, pe o le ala o ola ai tagata o le Alii (loto mama a’ia’i, ola i se tulafono faaselesitila).

Tagai Taiala i Tusitusiga paia, “Siona,” scriptures.ChurchofJesusChrist.org; Gospel Topics, “Zion,” topics.ChurchofJesusChrist.org.

Faamatalaga

1. Tagai Russell M. Nelson, “Faamoemoe o Isaraelu” (faigalotu a le autalavou i le lalolagi atoa, 3 Iuni, 2018), HopeofIsrael.ChurchofJesusChrist.org.