„Hlýða á, hyggja að og hlíta,“ Til styrktar æskunni, jan. 2021, 32.
Lokaorð
Hlýða á, hyggja að og hlíta
Allra fyrstu orðin í Kenningu og sáttmálum eru hlýðið á (sjá Kenning og sáttmálar 1:1). Það merkir „að hlusta með ásetningi um að hlýða.“ Að hyggja að merkir að „hlýða á hann“ – að hlýða á það sem frelsarinn segir og síðan að hlíta leiðsögn hans. Með þessum þremur orðum – „hlýðið á hann“ – gefur Guð okkur forskrift að farsæld, hamingju og gleði í þessu lífi. Okkur ber að hlýða á orð Drottins, hyggja að þeim og hlíta því sem hann segir!
Hvert getum við þá farið til að hlýða á hann?
Við getum snúið okkur að ritningunum? Við getum líka hlýtt á hann í musterinu. Við getum líka hlýtt á hann betur, þegar við þróum hæfni okkar til að heyra hljóðláta rödd heilags anda. Loks hlýðum við á hann með því að hlíta orðum spámanna, sjáenda og opinberara.
Hvað mun gerast, ef þið hlýðið á og hlítið því af meiri kostgæfni sem frelsarinn hefur sagt og er að segja fyrir milligöngu spámanna sinna? Ég lofa að þið munið blessuð með meiri getu til að takast á við freistingar, erfiðleika og veikleika. Ég lofa kraftaverki í fjölskyldusamböndum ykkar og í daglegu lífi. Ég lofa að geta ykkar til að finna gleði mun aukast, jafnvel þótt umrótið verði meira í lífi ykkar.