“Ekkeijel,” N̄an Kōkajoorļo̧k Jodikdik ro, Juļae 2021, itulowaan kōbar eo im̧aan.
Ekkeijel
Orin S.
17, British Columbia, Canada
Pija jān Christina Smith
Baam̧le eo aō rekar etal ilo juon iien tireep in ejerakrōk im kar jab lo āne enan̄in jilu wiik. Ālkin wiik ko ruo im̧aan, kōm kar ioon juon lan̄ enana. Wijļā eo amim ekar jorrāān kōn kōto, im ņo ko raar iuwe ioon wa eo, im lukkuun rum̧ļo̧k m̧aanin wa eo. Ilōn̄in men otemjej, ebaj maat wōt nim̧ōm̧m̧i dānin idaak—bwe n̄e kōm̧ eļļā jen lan̄ eo, kōm naaj wōt inepata kake.
Baam̧le eo aō rekar lukkuun dāpdep ilo rājettin wa eo im kar jar enan̄in juon awa. Iaar jab jeļā n̄e kōm̧ naaj mour bon̄on, ak iaar jeļā bwe, jekdo̧o̧n ta, inaaj pād ippān baam̧le eo aō kōnke em̧ōj amim kar liāp.
Ke ej m̧ōj amim jar, kōm kar lo bwe ekar dikļo̧k kōto im eaar ļae lo̧jet. Tokālik, eaar jino wōt, eo me ej m̧ōttan eo em̧m̧an kōn lo̧jet. Kōm kar kōjerbal m̧ōttan nuknuk n̄an ten̄i tāān̄ ko amim im ekar kabwilōn̄lōn̄ bwe ekar bwe dān n̄an kadedeļo̧k tūreep eo.
En̄jake in ekar kwaļo̧k n̄an n̄a jon̄an kajoor in jar im ewi jon̄an an Jemedwōj Ilan̄ kea kake kōj. N̄e ij ļōmņak likļo̧k kōn lan̄ eo, ijeļā bwe gospel in ej lukkuun m̧ool.