“Etke Kwoj Aikuj Mōņōņō,” N̄an Kōkajoorļo̧k Jodikdik ro, Juļae 2021, 6.
Itok, Ļoor Eō
Etke Kwoj Aikuj Mōņōņō
Mōņōņō! Irooj eaar lewaj n̄an eok un ko n̄an.
Irooj eaar letok n̄an kōj elōn̄ kūr ko. Im E emakijkij an āliji ko raorōktata. (N̄an waanjon̄ak, elōn̄ alen An kar ba āinwōt “Itok n̄an Eō”?)
Juon kūr kwonaaj āliji im lo ilo jeje ko rekwojarjar ej “Kom̧in m̧ōņōņō.”
Jet iien Irooj ej ba menin n̄e armej ro An rej kajjieon̄ in ļoor E ak rej ioon jum̧ae ko im apan̄ ko. Im n̄e E ej kūr kōj bwe jen m̧ōņōņō, E ej lukkuun letok un ko n̄an An rōjan̄ kōj n̄an m̧ōņōņō. N̄an waanjon̄ak, Eaar ba:
“Kom̧in m̧ōņōņō, bwe Inaaj tōlļo̧k kom̧. Aelōn̄ in kiin̄ eo ej ami im kōjeraam̧m̧an ko ie rej ami, im m̧weiie ko an indeeo rej ami” (Katak im Bujen Ko 78:18).
Jen kōllaajrakki:
“Kom̧in m̧ōņōņō, bwe [Un 1] Inaaj tōļļo̧k kom̧. [Un 2] Aelōn̄ in kiin̄ eo ej ami im [Un 2a] kōjeraam̧m̧an ko ie rej ami, im [Un 3] m̧weiie ko an indeeo rej ami” (Katak im Bujen Ko 78:18).
Ijin Irooj ej kakeememej kōn An tōl im kōjeraam̧m̧an ko An. Rej jet iaan un ko rem̧m̧an n̄an m̧ōņōņō.
Errein bar jet waanjon̄ak:
“Kom̧in m̧ōņōņō, ajri reddik; bwe [Un 1] Ij pād ilubwijimi, im [Un 2] Iaar jab eļļo̧k jān kom̧” (Katak im Bujen Ko 61:36).
Im bar juon:
“Kom̧in m̧ōņōņō, im jab mijak, bwe [Un 1] N̄a Irooj Ij pād ippemi, im [Un 2] [I]naaj jutak ippemi” (Katak im Bujen Ko 68:6).
Irooj ej kakeememej kōj bwe E ej epaake kōj im naaj jipan̄ kōj ilo ad kajjieon̄ in ļoor E im kōm̧m̧ane jerbal eo An. Innām jemaron̄ etal ilo iaļ eo ad make kōn lōke im, aaet, m̧ōņōņō. Ālkin aolep men otemjeļo̧k, karōk eo an Jemedwōj Ilan̄ ej “karōk in m̧ōņōņō” (Alma 42:8, 16), n̄an ļoor kien ko an Irooj ej n̄an mour “ilo juon mour elem̧ōņōņō” (2 Nipai 5:27).
Men̄e apan̄ ko ad rejino kūnōōr laļļo̧k kōj, n̄e jej ikdeleel n̄an ļoor Irooj, Ej rōjan̄ bwe jen m̧ōņōņō. Im E ej letok n̄an kōj jet un ko rem̧m̧an.