“Kwomaron̄ Kōm̧m̧ane!” N̄an Kōkajoorļo̧k Jodikdik ro, Juļae 2021, 24–26.
Itok, Ļoor Eō
Kwomaron̄ Kōm̧m̧ane!
Jej aikuj in keememej bwe Jemedwōj Ilan̄ im Jisōs Kraist raar kōm̧m̧ane—im kōm̧m̧ane wōt ta eo Raar kōm̧m̧ane—n̄an jipan̄ kōj jolete laļ eo an celestial.
Katak im Bujen Ko 76
“N̄a? Ilo laļ eo an celestial? Ijjab tōmak imaron̄ kōm̧m̧ane.”
Enan̄in ke wōr am̧ ļōmņak rōt in? Ekwe, ekkā ļōmņake n̄e jem̧m̧anļo̧k eļaptata n̄e jej ettoļo̧k jān weppān. Jet iien jej en̄jake bwe laļ eo an celestial epen.
Ak jab ebweer. Jibadbad in karōk eo an Jemedwōj Ilan̄ ej n̄an jipan̄ eok erom̧ āinwōt Jemedwōj Ilan̄ im Jisōs Kraist im mour Ippāer ilo laļ en an celestial. Im kopād ilo jikin eo em̧m̧antata jān am̧ ļōmņake. Būreetōn M. Russell Ballard, Rijipan̄ Būreejtōn eo an Doulul eo an Jon̄oulruo Rijilōk ro, eaar kakeememej kōj bwe bar mour Ippāer “eļapļo̧k jān baj ad kōttōpar—ej barāinwōt Aer kōttōpar.”1
Elōn̄ ļo̧k jen jabdewōt men, Jemedwōj Ilan̄ im Jisōs Kraist rekōņaan bwe jen aolep mour ilo laļ en an celestial Ippāer im baam̧le ko ad. Nuuj em̧m̧an ej bwe jeban etal make iaer n̄an ijeņ. N̄e jej itok n̄an Kraist im ļoor E, jej bōk kajoor im jipan̄ eo jej aikuji. Kōn Pinmuur eo An, jolete laļ en an celestial ejjab pen wōt, ak āindein.
Kōn menin, kōn jipan̄ eo An, kwoj maron̄ kōm̧m̧ane menin! Kwomaron̄ kōm̧m̧ane!
Karōk eo an Anij Ej n̄an Aolep
N̄an deļo̧n̄e laļ en an celestial, jej aikuj in bōk tōmak ilo Jisōs Kraist im pukot eļapļo̧k tōmak. Jej aikuj kajjieon̄ oktak im ukweļo̧k kajjojo raan. Jej aikuj in peptaij im bōk menin letok eo an Jetōb Kwojarjar—im iien otemjej keememej Jisōs Kraist im kōkāāl bujen ko ad. Jej aikuj in niknik n̄an jem̧ļo̧kin. N̄e men ko kein im kwoj kōņaan im kajjieon̄ n̄ani, kopād ilo iaļ in n̄an erom̧ juon eo ej jolete laļ eo an celestial.
N̄an kakobaba, Būreejtōn Dallin H. Oaks, Rikakpilōklōk eo Kein Kajuon ilo Būreejtōnji eo Kein Kajuon, ekar kwaļo̧k bwe ro rej erreeo n̄an laļ eo eutiejtata ilo laļ eo an celestial rej “ro raar būki aolep men ko rekkar n̄an laļ en, ekoba tiljek n̄an bujen ko kar kōm̧m̧ani ilo juon tampeļ an Anij im m̧are indeeo.”2 Kwomaron̄ katak eļapļo̧k jān riiti Katak im Bujen Ko:50–70, 92–96).
N̄e menin ekōm̧m̧an bwe kwon kōļmenļo̧kjeņ—ak inepata—kōn kōppopo eo am̧ n̄an jolete laļ eo an celestial, keememej bwe ej juon mejān kajjik. Kajjojo raan me jej kālet n̄an erom āinwōt Jemedwōj Ilan̄ im Jisōs Kraist ej juon raan me jej epaakļo̧k n̄an erom juon armej in celestial—n̄an epaakeļo̧k laļ eo an celestial. Aaet, enaaj wōr wōtļo̧k jidik, likjab, im jerawiwi n̄an kōj aolep. Pedped ioon Jisōs Kraist ilo ad ukweļo̧k kajjojo raan ej jibadbad eo. Iaļ in ej juon kōjatdikdik an juon kōnke aolep E im Jemedwōj Ilan̄ raar kōm̧m̧ane—im ta eo Rej kōm̧m̧an wōt—n̄an jipan̄ kōj pād ijeņ.
Epād ippād Rilo̧mo̧o̧r
Rilo̧mo̧o̧r eo eaar kōpooj juon iaļ bwe jen jepļaak n̄an ippān Jemedwōj Ilan̄. Josep Smith ekar kōmeļeļeiki ro rej jokwe ilo laļ eo an celestial “raar bōk naan in kam̧ool kōn Jisōs” im kar “kōweeppān er kōn Jisōs … eo kar jerbale jān pinmuur eweeppān in kōn kōto̧o̧rļo̧k in bōtōktōkin make” (Katak im Bujen Ko 76:51; 69).
Erom̧ weeppān ilo Jisōs Kraist ejjab meļeļein bwe jeban kōm̧m̧an bōd. Ej meļeļe bwe jenaaj ukweļo̧k im kajjieon̄ em̧m̧anļo̧k kajjojo raan, pedped wōt ioon Rilo̧mo̧o̧r eo im kajoor in Pinmuur eo An n̄an jipan̄ kōj oktak. Ilo ad kōm̧m̧an āindein, An jouj ekōm̧m̧an bwe jen wōnm̧anļo̧k n̄an laļ eo eutiejtata an laļ eo an celestial ijo jenaaj mour Ippān, Jemedwōj Ilan̄, im baam̧le ko ad indeeo. Jenaaj bar bōk aolep men ko ewōr ippān Jemedwōj Ilan̄. Ejjeļo̧k iaan men kein remaron̄ bōk jikier n̄e ejjab Rilo̧mo̧o̧r.
Ewōr ippād Kabun̄ in
Būreejtōn Oaks eaar kwaļo̧k bwe Kabun̄ in epād ioon laļin “n̄an jipan̄ aolep ro nejin Anij meļeļe aorōk eo aer n̄an bōk mejān kajjik eo eutiejtata. Kabun̄ in epād n̄an jipan̄ ļaddik im jiron̄ ro nejin Anij kōn meļeļein deļo̧n̄e im mour ijo eutiejtata ilo laļ eo an celestial.”3 Menin ekar kōm̧m̧an kōn pokake n̄an kain̄i ko im bujen ko an gospel in.
Kain̄i im bujen kein ekitbuuj priesthood eo, eo ej waļo̧k wōt ilo Kabun̄ eo em̧ool an Anij. Ilo men kein im wāween ko jet, Irooj im Kabun̄ in An ej jipan̄ kōj ilo iaļ in ad n̄an erom̧ ijo em̧m̧antata ilo kōj bwe būruwōd ren pojak juon raan n̄an jolete aolep men ko an Jemedwōj Ilan̄ n̄an bōk mour indeeo.
Etal Wōt, im Jab Ebweer!
Iaļ in m̧aanļo̧k n̄an laļ eo an celestial ej kōjatdikdik, ak eban aolep iien pidodo. Jemedwōj Ilan̄ ejeļā. E im Jisōs Kraist raar kallim̧ur n̄an jipan̄ im kōkajoor kōj kajjojo bun̄ten nee ilo iaļ in.
Pija ko jān Getty
Etal wōt, im jab ebweer. Jenaaj aikuj jipan̄ ilo ad kajjieon̄ in ļoor Rilo̧mo̧o̧r, mour bwe jen erreeo n̄an bōk im jerbale im̧we ko jān Jetōb Kwojarjar, im kile ijo jemaron̄ in em̧m̧anļo̧k ie. Ilo ad dipuk mour in kōn tōmak ilo Jisōs Kraist im uwkweļo̧k n̄e jej aikuji, Jemedwōj Ilan̄ enaaj ukōt kōj n̄an em̧m̧anļo̧k.
Erreeo n̄an laļ eo an celestial ejjab dedeļo̧k ilo juon jerbal eļap. Ej tōprakin juon kālet eo ejejjet n̄an ļoor Rilo̧mo̧o̧r im pedped wōt ioon kōjatdikdik im jeļā bwe rej itok jān gospel in An.
Kōn menin, n̄e kwoj kajjieon̄ in ļoor Rilo̧mo̧o̧r im inepata wōt n̄e kwonaaj tōpar laļ eo an celestial, aolep kōkkaļļe rej kwaļo̧k “Aaet! Kwomaron̄ kōm̧m̧ane!” En̄in ej ta eo Jemedwōj Ilan̄ ej kōņaan n̄an kōj aolep! Im āinwōt an Būreejtōn Oaks kwaļo̧k “kōn iakwe eo an Anij n̄an ro nejin im kōn pinmuur im jerkakpeje eo an Jisōs Kraist, ‘ro rej kaiboojoj Jemān, im kōjparok aolep jerbal ko an Pein’ [Katak im Bujen Ko 76:43].”4