“Je Men eo,” N̄an Kōkajoorļo̧k Jodikdik ro, Juļae 2021, 18–19.
Je Men Eo
Je ļōmņak ko am̧ ilo am̧ ekkatak jeje ko rekwojarjar remaron̄ lukkuun jipan̄ eok ekkatak.
“Aolep iien n̄e ij riiti jeje ko rekwojarjar, Imejki!” juon mijenede eaar ba n̄an mijen būreejtōn eo an. “Āinwōt n̄e jeje ko rekwojarjar rej jet uno in kakkiki!”
Būreejtōn eo an eaar uwaak, “Kwoj ke jeje n̄e kwoj riit?”
Mijinede eo eaar ba, “Ijjab.”
“Epidodo n̄an mejki ak ļōmņake jet men ilo am̧ riit,” būreejtōn eo eaar ba, “ak em̧m̧anļo̧k n̄e kwoj jeje!”
Naan in kapilōk eo mijen būreejtōn in ekar kōm̧m̧an eļap oktak n̄an mijenede in me ekar en̄jake apan̄ ko ilo an riit jeje ko rekwojarjar. Kōn menin n̄e kwoj pukot wāween ko rem̧m̧anļo̧k n̄an kōkm̧anm̧anļo̧k am̧ ekkatak jeje ko rekwojarjar, kajjieon̄e. Ilo am̧ je ta eo kwoj riiti, konaaj lo an ļapļo̧k am̧ bōk koņaam̧ im em̧m̧anļo̧k bar ekkatak.
Errein jet iaan men ko jaar lo aer lukkuun jipan̄.
Brother Steven Lund:
Ij kepooj juon peba n̄e ij riit. Ilo an Jetōb im̧we eō ilo iien aō ekkatak, ij je im̧we ko.
Ikar bōk ļōmņak in jān Elder Richard G. Scott (1928–2015) jān Doulul eo an Jon̄oulruo Rijilōk ro, eo ekar ba, “Je ilo juon jikin eo ettiņo men ko kwoj ekkatak jān Jetōb. Kwonaaj lo bwe ilo am̧ je en̄jake ko rem̧m̧an, ekkā aer naaj itok. Barāinwōt, jeļāļo̧kjeņ eo kwoj bōke enaaj pād ilo aolepān mour eo am̧” (“To Acquire Knowledge and the Strength to Use It Wisely,” Ensign, June 2002, 32).
Ijeļā naan kein rem̧ool. Ilo aō kōpooj kōnono ko im katak ko, ijjab etal wōt n̄an jeje ko rekwojarjar ak ij bar lale ta eo iaar je ke iaar riit.
Brother Ahmad S. Corbitt:
Em̧m̧an ippa ekkatak jān unin tōl eo. Iaar riiti jeje ko rekwojarjar jān jinoin n̄an jem̧ļo̧kin, ak iaar bar ālōklōk im ekkatak jān unin katak ko. N̄an waanjon̄ak, Ij kōjerbal Unin Tōl eo n̄an Jeje ko Rekwōjarjar n̄an pukot eoon ko kōn tōmak ak aiintok eo an Israel. Innām ijjab baj wōt jeje kakemeemej ko, ak ij je ta eo iaar ekkatak n̄an lukkuun lale n̄e ij meļeļe. Aolep iien ij bwilōn̄ kōn jon̄an an em̧m̧anļo̧k aō meļeļe n̄e ij kōm̧m̧ane menin. Iaar kālet jet eoon ko n̄an kakkilōklōkki.
Brother Bradley R. Wilcox:
Ij bōk juon jōn̄ōōļ in jeje ijo ij je eoon ko ilo naan ko aō make. N̄an waanjon̄ak, “Bwe armej ilo lukkuun biktokin ej rikōjdat n̄an Anij” (Mosaia 3:19) erom̧ “Bwe juwa im an armej jab ukweļo̧k n̄an kālet bwe ren rikōjdat n̄an Anij, bwe Anij ejjab an rikōjdat. Anij ej jeran eo em̧m̧antata.
Iaar bar je kajjitōk ko. Remaron̄ in erom kajjitōk n̄e ij ļōmņak kaki m̧okta jān aō riiti, ak remaron̄ in kajjitōk ko me reim̧we jān aō riit. Juon wōt iaer, ekōm̧m̧an bwe in m̧ad.
Kajoor eo n̄an Je Ļōmņak ko Am̧
Kajjojo iaam ilo būreejtōnji eo eoktak kilen ekkatak jeje ko rekwojarjar, ak aolepemmi kōmij jeje ilo am̧ riit!
Riit ejipan̄ aiin ļōmņak ko im kwaļo̧k en̄jake ko. Menin eaorōk. Im n̄e jeje kōnono ak jeje, jej loe im kwaļo̧k ļōmņak ko im en̄jake ko jān kōj make. Jej en̄jake ke ejipan̄ kōj kōkm̧anm̧anļo̧k m̧ool ko an gospel in.
Juon likao ekar lo m̧ool in kōn e make ke eaar kajjitōk bwe en kwaļo̧k juon katak ilo kweilo̧k in kwojkwoj eo. Eaar ron̄ elōn̄ armej ro jet rej kwaļo̧k katak ko ak rejjab keememej elaajrak eo. Iien in ekar oktak. Ke eaar je juon an make laajrak in kōnono, ekar jab wōt jipan̄ e kwaļo̧k juon katak eo em̧m̧an, ak eto wōt an kar keememeje.
Menin emaron̄ bar waļo̧k ilo am̧ ekkatak jeje ko rekwojarjar. N̄e kwoj mejki ilo am̧ kōpeļļo̧k jeje ko am rekwojarjar, ej tōrreen n̄an ruj. Kajjieon̄ in bōk juon penjōļ, pen, phone, ak kamputōr im jino jeje. Kwonaaj bwilōn̄ kōn ta eo emaron̄ kōm̧m̧an oktak!