“Kōjparok Kallim̧ur ko Ad,” N̄an Kōkajoorļo̧k Jodikdik ro, Juļae 2021, 32.
Naan eo Āliktata
Kōjparok Kallim̧ur ko Ad
Jān juon ekōnono an Oktoba 2012 kweilo̧k eo eļap..
Kōmeļeļe jān Emily Davis
Juon joteen ke iaar juon jodikdik, jinō ekar jijet ippa ioon peet eo an im ekar kajoor an ekōnono kōn aorōkin mour kōn Naan in Mālōtlōt. Eaar lukkuun reitok n̄an meja, im iaar en̄jake naan ko an aer dāil būruwō: “Kallim̧ur n̄an eō, Ronnie, rainin, bwe kwonaaj iien otemjej mour kōn Naan in Mālōtlōt eo.” Iaar lukkuun m̧ool ilo kōm̧m̧ane kallim̧ur eo n̄an e, im ilakkar kōjparok wōt ilo aolepān iiō kein.
Iaar kōm̧m̧ane juon jokāālet m̧oktaļo̧k n̄an ļoor kien ko an Anij, im ijjan̄in kar bar etali. Irooj eaar ba, “N̄a, Irooj, I lokjak n̄e kom̧ij kōm̧m̧ane ta Ij ba; ak n̄e kom̧ij jab kōm̧m̧ane ta Ij ba, kom̧ ejjeļo̧k ami kallim̧ur.”Katak im Bujen Ko 82:10).
Āinwōt juon Rijilōk an Irooj Jisōs Kraist, Ij likūt ippemi n̄an ļōmņak kōn kallim̧ur ko im bujen ko kom̧ij kōm̧m̧ani ippān Irooj, im ippān ro jet, kōn eļap m̧ool, jeļā bwe kallim̧ur eo am̧ ej naan eo am̧. Ij kallim̧uri kom̧, eļan̄n̄e kom̧ij kōm̧m̧ane menin, Irooj enaaj ejaaki naan ko am̧ im kōjeraam̧m̧an jerbal ko ami ilo ami kajjieon̄ kōn niknik kōm̧tālik n̄an kalōk mour ko ami, baam̧le ko ami, im Kabun̄ eo an Jisōs Kraist im Armej ro Rekwojarjar ilo Raan Ko Āliktata. E enaaj pād ippemi, im kwomaron̄e, kōn lōke, reim̧aanļo̧k n̄an “bōk n̄an lan̄, bwe [kwon] maron̄ jokwe ippān Anij ilo wāween m̧ōņōņō eo ejjļo̧k jemļo̧kin” (Mosaia 2:41).