Alora D.

19 yia, Tenesi, YSA

Pikja

yangfala woman i stap singsing

Papa blong mi i stap long Yunaeted Stet militeri, mekem se mifala i bin stap muvmuv olbaot fulap taem mifala i stap groap. Hem i had blong toktok long evri man mo mekem ol fren, mo mi bin ting se blong stap semsem hem i fasin blong mi evriwan. Ol nara man oli luk tu se mi semsem mo no toktok tumas, olsem se mi wan peinting we i gat wan kala nomo, o mi gat wan fasin ia nomo.

Peinting i bin helpem mi blong luksave se !mi wan gel we mi kalakala! Mi no toktok tumas olsem ol nara man, be mi gat fulap nara pat mo pis blong fasin blong mi, i olsem wan peinting we i gat evri kala. Samtaem ol man oli sek long ol peinting blong mi from i kalakala tumas, mo mi jes talem long olgeta nomo se: “!Yu nidim blong save mi moa!”

Mi stap traem yet blong faenemaot huia mi, mo stap ademap ol smol pis long miwan. I tru, i no longtaem i pas, mi bin singsing long Novemba 2020 Fes tu Fes blong Ol Yang Woman. Mi save se taem mi mekem ol simpol samting, olsem ridim ol skripja blong mi mo prea, hem i helpem mi blong lanem abaot huia mi mo huia Papa long Heven i wantem mi blong kam olsem. Blong stap prea i mekem mi hapi, from se i helpem mi blong save se mi no miwan.