“Wan Tes blong Fet,” Blong Ol Yut Oli Kam Strong Septemba 2021, 18–19.
Kam Folem Mi
Wan Tes blong Fet
1833. Jakson Kaonti, Misuri, YSA. Ol rabis man oli fosem Ol Sent we oli stap laef longwe blong lego ol hom blong olgeta.
Josef Smit i tingting long wanem blong mekem. I no longtaem bae wan revelesen i kam. Oli talem long Josef blong karem sam man i kam tugeta blong travel i go long Misuri mo helpem Ol Sent blong karembak ol hom blong olgeta.
Josef i aot i go long Misuri wetem wan grup blong ol volontia. Afta, grup ia oli kam blong save olgeta olsem Saeon Kamp.
Rod i bin had samtaem, be fulap oli bin glad long hem.
Afta long manis blong stap maj, kamp i stop kolosap long wan reva.
Oli bin harem se i gat ol man long narasaed reva we oli stap wet blong atakem olgeta.
?Bae yumi mekem wanem?
Stanap kwaet …
… mo luk God i sevem man.
I no longtaem afta, wan strong win i kam.
!God i stap long strong win ia!
Ren i bin mekem reva i kam antap tumas mekem se ol enemi blong kamp oli no save krosem.
Afta long sam dei, Josef i kasem wan revelesen se hem i taem blong gobak hom, nomata we oli no bin helpem Ol Sent long Misuri blong gobak long hom blong olgeta.
Lod i bin akseptem ol hadwok blong mifala.
Yumi bin kam longwe i kam from wan tes ia blong fet blong yumi. (Luk long Doktrin mo Ol Kavenan 105:19.)
Sam oli ting se wokbaot ia i blong nating.
!Yumi kam long longfala rod ia blong nating!
?From wanem yumi stap go hom bifo yumi helpem Ol Sent long ples ia?
Plante oli bin luk taem ia olsem wan janis blong stap wetem Profet mo lan aot long hem.
Saeon Kamp i bin help blong rere long ol fiuja lida blong Jos. Eit man we oli bin maj wetem Saeon Kamp, oli singaotem olgeta oli kam long Kworom blong Olgeta Twelef Aposol.