“Stap Bildim Saeon Tru long Yuniti,” Blong Ol Yut Oli Kam Strong Septemba 2021, 20.
Las Toktok
Stap Bildim Saeon Tru long Yuniti
I folem wan toktok blong jeneral konfrens blong Oktoba 2008.
Tugeta, Saeon hem i wan ples mo wan pipol. Oli givim nem ia Saeon long wan siti blong Inok longtaem i pas. Lod i bin singaotem ol pipol blong Inok, Saeon “from se oli bin gat wan hat mo wan maen, mo oli bin stap laef long stret mo gud fasin; mo i no bin gat puaman long medel blong olgeta” (Moses 7:18). Long wan nara ples, Hem i talem: “From we hemia nao Saeon—olgeta we hat blong olgeta i klin gud” (Doktrin mo Ol Kavenan 97:21).
Blong stanemap Saeon long ol hom, ol branj, ol wod, ol stek, blong yumi, yumi nidim blong (1) kam wan long hat mo maen; (2) kam wan tabu pipol; mo (3) blong yumi kea long olgeta we oli pua mo olgeta we oli stap long nid. Yumi no save wet kasem taem we bae Saeon i kam blong olgeta samting ia oli hapen—Saeon bae i kam nomo long semtaem we olgeta samting ia oli stap hapen.
Bae yumi kam wan hat mo wan maen taem wanwan long yumi i putum Sevya long medel blong laef blong yumi, folem olgeta we Hem i bin jusum blong oli lidim yumi, mo kam wan long lav mo kea long wanwan long yumi. Yuniti ia mo lav ia long wanwan long yumi, maltipol long ol taosen defren wei, bae i “[karem Saeon i kam bakegen]” (Aesea 52:8).
Pikja i kam long Albert Pinilla