“Wari blong Dres,” Blong Ol Yut Oli Kam Strong, Septemba 2021, 8.
Ol Strong Fandesen we Oli No Save Muv
Wari blong Dres
Pikja droing i kam long Alyssa Gonzalez
Taem mi bin stap long hae skul, oli bin jusum mi blong tekpat long wan fasenso blong wan taem we skul i stap mekem evri yia. Mi bin save se kodineta bae i jusum ol dres we oli no stret, mekem se mi talem long hem se bae mi no tekpat sapos dres we mi sapos blong werem i no stret. Hem i talem se bae i oraet nomo.
Taem ol fren blong mi mo mi i go blong lukluk ol dres blong mifala, mi mi konfius. Nomata long wanem we kodineta i bin talem long mi, evri dres oli oposit long ol standet blong fasin blong dresap mo mekem mi we i stap insaed long buk blong Blong Ol Yut Oli Kam Strong . From mi bin luk se i nomo gat wan moa ansa, mi traem werem wan long ol dres ia we i no stret. Mi wantem blong luk naes, be taem mi werem dres ia, mi no filim hem i mi. Mi tingting se: “?Bae mi mi filim olsem wanem long fored blong Lod sapos mi werem kaen dres ia?”
Mi tingting long olsem wanem mi save kamaot long situesen ia Long en, mi faenem dres blong danis blong bigfala sista blong mi, we i stret wetem ol standet blong Lod. Taem mi talem long ol fren blong mi se bae mi yusum wan dres blong miwan, mi save luksave long fes blong olgeta se, oli ting se bae mi luk moa naes long dres ia we i no stret. Laki kodineta i talem se hem i oraet blong werem dres ia we i stret.
Mi bin filim gud, mo mi trastem miwan. Mi no bin wantem save long wanem tingting blong ol fren blong mi. Mi bin faenem wan wei blong tekpat wetem wan naesfala mo stret dres. Mi talem tangkyu se mi bin gat strong paoa long tingting blong holemtaet ol standet blong mi antap, speseli taem i no isi o semmak olsem we evri man i laekem.
Jessika S., Indonesia