“Semati,” Me iSakisaki ni iTabagone, Sepi 2021, loma ni waqana e liu.
Semati
Alora D.
19, Tennessee, Amerika
Na tamaqu e lewena na mataivalu ni Amerika, keitou dau veitosoyaki kina vakalevu ni keitou tubu cake tiko. A dredre sara meu veimaliwai ka vakaitokani, kau nanuma ni sa noqu bula sara tu ga na mamadua, me vaka ga e dua na droini ka dua ga na kena roka.
Sa vukei au na droini meu kila niu dua dina na tamata levu na kequ roka! Au dau sega soti ni vosa vakalevu me vakataki ira na tamata tale eso, ia e levu tale na veitikina duidui ena noqu bula, me vaka e dua na droini duidui na kena roka. Ena so na gauna era kurabui na tamata ni ra duiroka na noqu droini, kau tukuna ga vei ira, “O gadreva mo kilai au!”
Au se vakilakila tikoga se ko cei koi au ka vakuria tiko na veitikina eso kivei au. Ia, au a lagasere ena Noveba 2020 ena soqo ni veirai e matanavotu ni Goneyalewa. Au kila ni gauna au cakava kina na veika rawarawa me vaka na wilika na noqu ivolanikalou ka masu, ena vukei au meu vulica se o cei o au kei cei e vinakata na Tamada Vakalomalagi meu vakataka.