“E Dua na Vakatovolei ni Vakabauta,” Me iSakisaki ni iTabagone, Sepi. 2021, 18–19.
Lako Mai, Mo Muri Au
E Dua na Vakatovolei ni Vakabauta
1833. Yasayasa vaka-Jekesoni, Misuri, Amerika. Era vakasaurarataki na Yalododonu era vakaitikotiko e kea me ra biuta na nodra veivale.
A vakasamataka o Josefa Simici na ka me cakava. Sega ni dede sa yaco mai e dua na ivakatakila. A tukuni vei Josefa me soqona eso na tagane me ra lako ki Misuri ka vukei ira na Yalododonu me ra rawata tale na nodra veivale.
A biubiu ki Misuri ko Josefa kei na dua na ilawalawa volodia. E muri a qai vakatokai na ilawalawa oqo me Keba kei Saioni.
A dredre ena so na gauna na ilakolako, ia e vuqa era taleitaka.
Ni oti e dua na vula ni tayabe, a tu vakadua na keba volekata e dua na uciwai.
Era rogoca ni o ira na turaga ena yasana kadua era wawa tiko me ra valuti ira.
Na cava meda cakava?
Tu vakadua …
… ka raica na veivakabulai ni Kalou.
Sega ni dede sa yaco mai e dua na cava.
Sa tiko ena cava oqo na Kalou!
Sa sinai vuabale na uciwai mai na uca ka ra sega ni takosova rawa na meca ni keba.
Ni oti e vica na siga, a ciqoma o Josefa e dua na ivakatakila ni sa kena gauna me sa lesu i vale, e dina ga ni ra se bera ni vukei ira na Yalododonu mai Misuri me ra lesu tale ki na nodra itikotiko.
Sa ciqoma na Turaga na noda sasaga.
Eda sa kau mai ki ke me baleta na vakatovolei ni noda vakabauta. (Raica na Vunau kei na Veiyalayalati 105:19.)
Eso era nanuma ni a druka na ilakolako.
Eda lakova mai na vanua balavu oqo ka sega ni mai caka e dua na ka!
Na cava na vuna eda sa lesu kina i vale ni se bera ni da vukei ira na Yalododonu eke?
E vuqa era a raica ni sa dua na madigi me ra tiko vata kei na Parofita ka vuli mai vua.
Na Keba kei Saioni e veivuke ena nodra vakarautaki na iliuliu ni Lotu ena veisiga ni mataka. E walu na turaga era a lako vata kei na Keba kei Saioni era a kacivi ki na Kuoramu ni iApositolo Le Tinikarua.