“Tarai Cake o Saioni ena Dauavata,” Me iSakisaki ni iTabagone, Sepi. 2021, 20.
iOtioti ni Vosa
Tarai cake o Saioni ena Duavata
Mai na dua na vosa ena koniferedi raraba ni Okotova 2008.
O Saioni e dua na vanua ka dua na umatamata. Na yaca Saioni a soli ki na koro makawa ko Inoki. “A sa vakatokai ira na nona tamata na Turaga ko Saioni, ni ra sa yalovata ka duavata ena nodra vakasama, ka ra kitaka na ivalavala dodonu; a sa sega vei ira sa dravudravua” (Mosese 7:18). Ena veivanua tale eso a kaya kina o Koya, “Ni sai koya oqo ko Saioni—ko ira sa savasava na lomadra” (Vunau kei na Veiyalayalati 97:21).
Me tauyavutaki ko Saioni ena noda itikotiko, tabana, tabanalevu, kei na iteki, sa gadrevi meda (1) yaco me duavata ena yalovata ka duavata ena vakasama; (2) yaco me tamata yalosavasava; ka (3) qaravi ira na dravudravua kei na vakaleqai. Eda sega ni rawa ni wawa me yacova ni yaco mai o Saioni me qai yaco na veika oqo—Ena yaco ga mai ko Saioni ni ra sa yaco tiko.
Eda na yaco me yalovata ka duavata ni da sa biuta na iVakabula me itakele ni noda bula, muri ira sa lesia o Koya me ra liutaki keda, ka duavata ena veilomani kei na veikauwaitaki vakai keda. Na duavata kei na veilomani oqo, vakalevutaki vakaudolu na gauna ena sala duidui eso, ena “kauti Saioni tale mai” (Aisea 52:8).
Droini mai vei Albert Pinilla